Diyarname
Li Amedê Şaredariya Bajarê Mezin a Amedê li ser rêyan ji bo hişyariyê gotinên wekî "Pêşî Peya" û "Hêdî" bi tirkî û kurdî nivîsandibûn. Bi biryara Waliyê Amedê ev gotinên kurdî hatin jêbirin.
Li ser vê yekê Sekreterê Giştî yê Şaredariya Bajarê Mezin a Amedê Emdullah Gorduk daxuyaniyeke niviskî belav kir û eşkere kir ku bi Waliyê Amedê Murat Zorluoglu roja 27'ê tîrmehê (roja şemî) piştî saetên mesaiyê nivîseke şandiye û gotiya, "Li gor Zagona Trafîkê ya Rêyên Bejayî, hin tiştên hatine kirin ne li gior standardan in û divê heta 28'ê tîrmehê saet 21.00'ê ew bêne jêbirin."
Li ser vê yekê Hevşaredara Amedê Serra Bucak dawiya hefteyê (roja 28'ê tîrmehê, yekşemê) bersiveke fermî daye walîtî û gotiye ku ev tiştên hatine kirin li gor standardan in.
Waliyê Amedê Murat Zorluoglu bi salan li Walê wekî kayûm kar kir, meha borî wekî Waliyê Amedê hat tayînkirin.

**

Nûçeyên Eleqedar:

- 'Pêşî Peya' jê birin, gotinên nijadperest nivîsîn

- Fotoyê rojê ji Batmanê hat

- Ajokarên Amedê dikarin hêdi biajon?

- 'Pêşî Peya' û 'Hêdî' dîsa hatin Amedê

 Di vî warî de vîdeoyek: