Diyarname
Kesên ji bombebaraan atomê ya bi ser Hîroşîma û Nagazakî de filitî bûn saziyeke bi navê "Nihon Hidankyo" ava kiribûn. Ev sazî li Japonyayê ye û dijî çekên nukleer xebatê dike. Komîteya Nobelê îsal Xelata Nobelê a Aştiyê da vê saziyê.
Komîteya Nobelê bi sedema "Ji bo li dinyayê dawî li çekên nukleer bê li Japonyayê dixebite" 11'ê mehê ev sazî layiqê xelata aştiyê dît.
Hevserokê saziya japonî Nihon Hidankyo yê bi navê Toshiyiku Mimaki piştî agahiya girtina Xelata Nobelê ya aştiyê, ji bo çapemeni gotiye ku gere mirovên li Gazeyê dixebitin ev xelat girtiba, 80 sal berê Japonya jî wisa bû û ev yek lê zêde kiriye; "Bi taybetî li cihên wekî Îsrail û Gazze zarok di nav xwîne de ne û he roj bê xwarinê dijîn, dibistan têne xirakirin, stasyon û pir têne xirakirin. Mirov aştiyê dixwazin lê siyasetmedar bi gotina 'Heta em bi ser bikevin emê ranewestin' di şer de israr dikin. Ev yek ji bo Rusya û Îsraîlê jî derbas dibe. Ez her meraq dikim ka Neteweyên Yekbûyî (NY) dê dawî li vê bîne yan na."
Mimaki gotiye, "Li dinyayeke ku lê çekên nukleer hebin aştî ne mimkûn e. NY'yê biryar dabû ku pênc welat xwedî çekên nukleer bin lê her ku diçe gelek welat dibin xwedî van çekan. Ez dijî fikra 'bi çekên nukleer dinya hê ewletir e' me."
Li gor agahiya Reutersê, hevserokê saziyê Mimaki di dema bombebarankirina Hîroşîmayê de 3 salî bû.
**
Nûçeyên Eleqedar:
- Xelata Nobelê ya Wêjeyê dan Han Kangê
.jpg)
.jpg)
