Diyarname
Civîna avakirina Meclisa Zanîngehên Bakur û Rojhilatê Sûriyeyê li avahiya Zanîngeha Şerq a Reqayê li dar ket. 
Civîn bi beşdariya Hevserokên Meclisa Rêveber a Rêveberiya Xweseriya Demokratîk a Herêma Bakur û Rojhilatê Sûriyeyê Evîn Siwês û Hisên Osman, nûnerên ji zanîngehên herêmê ên wekî Zanîngeha Rojava, Zanîngeha Şerq û zanîngeha Kobanî, hevserokatiya Desteya Perwerdehî û Fêrkirinê ya Rêveberiya Xweser û nûnerên ji saziyên perwerdê yên cuda beşdar bûn.
'BO PERWERDEHIYA BILIND GIRÎNG E'
Hevserokê Desteya Perwerdehî û Fêrkirinê ya Rêveberiya Xweseriya Demokratîk a Herêma Bakur û Rojhilatê Sûriyeyê Xelef El Meter lidarxistina civînê pîroz kir û got, "Ev ji bo pêşxistina perwerdehiya bilind gaveke girîng e."
PÊŞNÛMA HAT ERÊKIRIN
Dûre regezên sereke yên zanîngehên Bakur û Rojhilatê Sûriyeyê hatin xwendin, pêşnûmeya rêziknameyê ya Meclisa Zanîngehên Bakur û Rojhilatê Sûriyeyê ya ji hêla komîteya amadekar ve hatiye sazkirin, hatin xwendin.
Pêşnûme hat nîqaşkirin û ji hêla beşdaran ve piştî guhartinên hin bendan hat erêkirin.
MECLISA JI 20 KESÎ PÊK TÊ HAT AVAKIRIN
Di roja yekemîn a civînê de meclisek bi 20 endamên ku nûnerên meclisên her 3 zanîngehan, Desteya Perwerdehî û Fêrkirinê ya Rêveberiya Xweseriya Demokratîk e hat avakirin.
Her wiha ji beşdaran Medya Hemşo û Xelîl El Elî wekî Hevserokên Meclisê hatin hilbijartin.
Dê sibe pêşnûmeya erk û destûriyên saziyên Rêveberiya Xweseriya Demokratîk û mekanîzmeya girêdanê di navbera meclisa zanîngehan de were xwendin û nîqaşkirin.