Diyarname
Îsal 19 saliya me bû. Di sala 2025'an de emê bikevin 20 saliya xwe. Yanê ev nêzî 20 salan in em kedê didin qada rojnamegeriya kurdî, kedê didin zimanê kurdî. Em her sal daneyan parve dikin, îsal jî em wisa bikin: Diyarnameyê îsal çi kir, çend tişt weşandin? Qunciknivîskaran çi kir?
Va ye îstatîstîkên salê:
HEJMARA NÛÇEYAN
- Di sala 2024'an de bi giştî me 1329 nûçe û nivîs weşandin.
- Ji vê 1329'î 80 jê nivîsên nivîskaran in ku di beşa "SERBEST" de hatine weşandin.
- Ji bilî van, qunciknivîskarên Diyarnameyê bi temamî 96 nivîs nivîsandine. Dema em bidin ser hev reqem diçe nêzî 1500'î.
- Me 71 nûçe li ser pirtûkên nû yên nû derketine çêkirine. Hin nûçe li ser tenê pirtûkek, hin jê di nav nûçeyê de danasîna çend pirtûkan hebûn. Loma jî mirov dikare bêje danasîna dor 100 pirtûkî hatiye kirin.
QUNCIKNIVÎSKARÊN ÎSAL KED DANE
- Qunciknivîskarên (Li gor rêza alfabetîk) me Aynur Aras, Aytenxan, Bedran Dere, Cemil Oguz, Çorê Arda, Dilşêr Bêwar, H. Kovan Baqî, Helîm Yûsiv, Hogir Berbir, Kazim Polat, Kadîr Stêra, Mesûd Qeya, Mîrza Ronî, Nûdem Hezex, Omer Dilsoz, Veysel Vesek, Zekî Ozmen bi nivîsên xwe ked dane Diyarnameyê.
LÎSTEYA PIRTÛKAN
- Wekî her sal, îsal jî Lîsteya Hemû Pirtûkên bi Kurdî me amade kiribû. Lîsteyê gelek bal kişand.
YOUTEBEYA ME
- Nivîsên qunciknivîskaran me xwendin û ew di youtube de belav kirin. Îsal me spoty jî vekir. Emê dema bê de van xurtir bikin. Cemil Oguz vîdeoyên "3 Deqe ligel Cemil Oguz" amade kirin. Di youtuba me de dor 200 û tiştek vîdeoyên bi vî rengî hatine belavkirin.
DIYARNAME 29 REŞEMÎ
Yek ji xebata me ya girîng ku di nav dîroka çapemeniya kurdan de gavek nû û balkêş bû, derxistina rojnameya "Diyarname 29 Reşemî" bû. Rojnameya ku hezar heb hat çapkirin û bê pere bi kargoyê ji bo nivîskar û kesên eleqedar hat şandin, heqê kargoyê jî me girt ser milê xwe. Rojnameyê gelek bal kişand. Hedefa me ew e her çar salan carek, roja 29'ê reşemiyê derxin.
Di 20 saliya Diyarnameyê de emê hin tiştinan bikin. Dema ew tişt zelal bibin emê eşkere bikin.

Li ser 2024'an Lîste û Nûçeyên Eleqedar:

- 709 kes mirin

- Yên ku xatir xwestin

- Hemû kovarên bi kurdî yên derketine

- Li Tirkiyeyê, li tora civakî çend hesab hene?

-  10 rêzefîlmê populerî hamey weçînayişî

- 2024: 104 rojnameger hatin kuştin

- 2024: Moana mohra xwe li 5 salên dawî da

- Oksfordê jî peyva salê hilbijartin 'Brain rot'

- Stranên herî zede haitne guhdarîkirin

-  Cambridge Dictionary peyva salê hilbijart

- Va ye zilamê herî seksî yê salê

-  Peyva salê 'Brat' e