Diyarname
21'ê Reşemî Roja Zimanê Zikmakî ya Dinyayê de. Kurd li gelek bajaran ji bo vê rojê gelek çalakiyan li dar dixin.
Me ew dan hev. Fermo:
AMED
Şaredariya Bajarê Mezin
- 21'ê mehê: Li Amedê panelek bi navê "Statuya Ziman" li dar dikeve. Moderatoriya panelê wê parêzer Semire Nergiz bike. Di panelê de parêzer Cemile Turhalli li ser "Ziman û siyaset", parêzer Sezgin Dinç jî li ser "Statuya zimanê kurdî ji aliyê hiqûqî ve" biaxive. Panel saet 13'yan de li Salona Tahir Elçî ya Baroya Amedê dest pê dike.
- 21'ê mehê: Li Navenda Ciwanan a Baglarê bi navê "Helbest û ziman" çalakiyek bo rojan ziman li dar dikeve. Ahmet Yalçinkaya moderatorî dê bike û Roza Metîna jî dê biaxive. Çalakî saet 16'an de dest pê dike.
- 21 û 22'yê mehê: Şaredariya Bajarê Mezin a Amedê roja 21'ê mehê resepsiyoneke li dar dixe. Dûre jî dê şeva kirmanckî lidar bikeve. 22'yê mehê jî konsera Ayfer Duzdaş û Lawjeyê heye. Hin çalakiyên din jî di nav bernameya Şaredariya Bajarê Mezin de hene. Va ye lîste:
Çalakiyên Bajarê Mezin...
Şaredariya Peyasê
- Ji 16 heta 22'yê mehê: Şaredariya Peyasê ya Amedê ji 16'ê mehê heta 22'yê mehê her roj ji bo Roja Ziman çalakiyan li dar dixe. Bername bi vî rengî ye:
- Li Peyasê bernameyeke taybet ji bo ‘Roja Zimanê Zikmakî’
Şaredariya Çinarê
- 19'ê mehê: Çinara Amedê bi sernavê "Têkoşîna ziman a li dijî polîtîkayên asîmîlasyonê" panelek li dar dixe. Moderatoriya panelê Nurcan Delil wê bike, helbestvan Fatma Taşli Tunç û rojnameger Roza Metîna wê wekî axifger beşdar bibin. Çalakî 19'ê mehê saet 15.30 de li Navenda Jinê ya Jinwarê li dar dikeve.
***
MÊRDÎN
- 22'yê mehê: Komeleya Lêkolîn û Folklorê ligel Baroya Mêrdînê bi navê "Roja Zimanê Zikmakî ya Cîhanê, Folklor û Ziman" ponelek li dar dixe. Ronî War, Tekîn Çiftçi, M. Emin Akkaş û Süleyman Turunç wê wekî axifger beşdar bibin. Çalakî 22'yê mehê saet 15.30 de li Salona Konferansê ya Baroya Mêrdînê li dar bikeve.
- 23'yê mehê: Bi amadekirina Platforma Ked û Demokrasiyê ya Mêrdînê panelek li dar dikeve. Panela ku Dîlan Koç dê moderatoriya wê dike de, wê Hogir Berbir, Yusuf Begtaş û Dîlan Şeveşoglu biaxivin.
Panel 23'yê mehê saet 14'an de li Eywana TMMOB'ê (Li Ravzayê li paş Seyrangeha Musa Anter) li dar dikeve.
***
BATMAN:
- 20'ê mehê: Li Batmanê li Arî-Derê bi sernavê "Zimanê Kurdî: Hiqûq, medya, têkoşîn" panelek li dar dikeve. Di panela ku moderatoriya wê dê Nuh Bozkur bide de mebusa DEM Partî Newroz Uysal Aslan di bin sernavê "Ji hela hiqûqî ve polîtikayên ziman ên Tirkiyeyê ku li ser zimanê kurdî dimeşîne" de wê biaxive. HevaL Dilbihar li ser "Têkoşîna ji bo zimanê kurdî", Onder Akbulut jî li ser "Kurdî di medyayê de astengî û denfetên li pêşiyê" dê biaxive.
Panel 20'ê mehê, saet 14.30 de li Salona Tahir Elçî ya Baroya Batmanê li dar dikeve.
- 21'ê Mehê: Baroya Batmanê, Dîwan, Egîtîm-Sen û Yenî Sahne bi hev re şahiyeke ji bo Roja Ziman li dar dixin. Di bernameyê de koroya zarokan, skeç, rîtûelîsik, jixweberî hene. Bername wê saet 19'an de li Eywana Baroya Batmanê dest pê bike.
***
ÇEWLIG
- 22'yê mehê: Egîtîm-Senê Çewligî panelêke organize kena. Doç. Dr. Nurettîn Beltekîn di panel de bi sernamey "Tirkîya de tetbîqatê perwerdeyê ziwanî û semedê perwerdeyê kurdkî pêşnîyazî" go xeberî bido. Panel 22'yê aşme, saete 14.30 de Eywanê Konferansî ê Egîtîm-Senî de virazêno.
***
RIHA
- 21'ê Mehê: Lîstika Şanoya Bajêr a Amedê "Xwezgînî" ku Şaliko Bêkes nivîsandiye û bi rê ve biriye ji bo Roja Ziman li Rihayê tê lîstin. Bi organîzeya Platforma Ked û Demokrasiyê ya Rihayê lîstik wê saek 19'an de li Salona Konferansê ya Tahir Elçî ya Baroya Rihayê bê lîstin.
***
WAN
- 22'yê mehê: Li Wanê Komîsyona Zimanê Kurdî ya Baroya Wanê li Salona Sînemayê ya Yilmaz Guney a Baroya Wanê çalakiyek li dar dişe. Di çalakiya nîşandayîna fîlm û analîzkirina fîlmî de parêzer Omer Bakir wê bi rê ve bibe, derhêner Alî Kemal Çinar wê biaxive. Çalakiya saet 18'an de wê dest pê bike. Fîlmê Alî Kemal Çinar "Gênco" dê bê nîşandayîn û piştî fîlmî Çinar wê xêzeromana xwe ya bi heman navî îmze bike.
***
STENBOL
- 21'ê mehê: Li Rêxistina DEM Partî ya Esenyurta Stenbolê şahî heye: Şahiya ku saet 19'an de wê dest pê bike, stran, klam, helbest, çîrok û wê gerandina govendê hebe.
- 22'yê mehê: Komeleya Lêkolînên Kurdî û Navenda Çanda Mezopotamyayê (NÇM) qeybî Rocê Ziwan bi namey "Averşîyayîşê Edebîyatê Kirmanckî" panelêke virazenê. Moderatorê panelî go Haci Sayin bo û Deniz Gundiz zî zey qiseykerdox beşdad beno. Dimay panelî go hunermendê NÇM'î bi dêranê xwe reng bidê bernamî. Bername 22'yê aşme, saete 17.00 de saloney NÇM'î de dest pa keno.
- 23'yê mehê: Meclisa Xwendekarên Azad a Stenbolê roja 23'yê mehê li Kadikoyê çalakiyek li dar dixin. Di çalakiyê de ji Komeleya Lêkolînên Kurdî wê li ser ziman, dîsa dengbêj li ser dîroka dengbêjî û ziman biaxivin û piştî axaftinan bi beşdariya Koma Vejîn û hunermendê NÇM'ê şahî li dar bikeve. Çalakî wê saet 18'an de li cihê wan li dar bikeve.
***
ENQERE
- 21'ê mehê: Li Enqereyê Komeleya Ziman Çand û Hunerê ANKA panelek li dar dixe. Albuz Gergin bi çerkezî, Armagan Serdaroglu bi lazî, Feride Akturan bi kurdî, Huriye Şahin bi ermenî û Kevser Ruhi bi gurcî wê li ser roja ziman biaxive. Çalakî 21'ê mehê saet 18'an de li Navenda Tum Bel-Senê li dar dikeve.
*
NOT: Li ser Roja Zimanê Zikmakî wekî din agahî bigihîjin ber destên me, emê lê zêde bikin.
*
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.
**
Nûçeya Eleqedar:
- Jinan ji bo ziman vîdeoyek amade kirin (vîdeo)
- 19 saziyan ji bo ‘Roja Zimanê Zikmakî’ daxuyanî da
- Li Peyasê bernameyeke taybet ji bo ‘Roja Zimanê Zikmakî’
.jpg)
.jpg)
.jpg)
