Diyarname
Îro Newroz li 14 navçe û bajaran bi girseyî hat pîrozkirin. Newroz li Riha, Qers, Mêrdîn, Kerboran, Dêrsim, Tatos, Milazgîr, Erdexan û Bazîdê jî bi coş û girseyek herî mezin hat pîrozkirin. Li Kayapinarê jî zarokan Newroz pîroz kir.

MÊRDÎN
Li navçeya Artuklu ya Mêrdînê bi diruşma “Rêbertiya Azad Civaka Demokratîk” cejna Newrozê hate pîrozkirin. Ji serê sibê de gel ber bi qada pîrozbahiyê ve meşiyan. Gel  cilûbergên kurdî li xwe kirin, qad xemilandin. 
Bi kurdî, tirkî, erebî, suryanî pankarta “Newroz pîroz be” hate daliqandin. Li hemberî platformê jî pankarta “Jin, Jiyan, Azadî” hate daliqandin. 

RIHA
Li Rihayê, li kêleka Stadyuma 11 Nîsanê ya li navçeya navendî Halîliyeyê bi hezaran kes hatin ba hev. Mebûsa DEM Partî û endama Heyeta Îmraliyê Pervîn Buldan, mebûsên Rihayê Omer Ocalan û Dîlan Kunt Ayan, endamên Meclisa Dayikên Aştiyê, hevşaredarên navçeyan ên DEM Partiyî, birayê Abdullah Ocalan Mehmet Ocalan, xwişka Alî Çîçek Ayşe Çîçek û bi hezaran kes tev li pîrozbahiyê bûn.
Qada pîrozbahiyê bi alên DEM Partî û bi rengên kesk, sor û zer hatin xemilandin. 
Gel li bi cil û bergên kurdî li ber stranên kurdî govend gerandin.
Hunermend Hamît Karadenîz û Hediye Kalkan bi stranên xwe reng dan şahiyê.

QERS
Yek ji bajarên ku coşa Newrozê lê geş bû jî bajarê Serhedê Qers bû. Tevî sarmayê jî bi hezaran kesan qada Newrozê ya Stasyonê dagirtin. 

Li aliyê din li Dêrsim, Tatos, Kerboran, Milazgîr, Bazîd jî bi hezaran kes ji bo pîrzbahiya Newrozê li qadan bûn.

LI PERPERÎKÊ ZAROKAN NEWROZ PÎROZ KIR
Zarokên Perperike ya Zarokistanê ku di bin banê Gerînendetiya Çand û Karên Civakî ya Şaredariya Peyasê de perwerdeya pirzimanî dibînin, bi boneya cejna Newrozê cil û bergên neteweyî û herêmî li xwe kirin,  stran strandin, govend gerandin û bi çalakiyên cihêreng kêf şahiyek pêk anîn.
Xebatkarên Zarokên li Kreş û Mala Nihêrtinê a Perperike ya Zarokistanê diyar kirin ku dixwazin bi perwerdehiya pirzimanî re çand, hûner û dab û nêrîtan jî bi zarokên li Kreş û Mala Nihêrtinê ya Perperike ya Zarokistanê dixwînin, bidin zanîn. Pîrozbahiya li Perperika ya Zarokistanê, mamosteyan bi zarokên perwerdeya pirzimanî dibînin re, şahiyeke bêhempa  Newroz pîroz kirin.

 

***

ÎSAL:
 - 89 cih: Va ye bajar bi bajar bernameya Newrozê

***

Nûçeyên Eleqedar:

- Ji bo Newroz bi fermî bibe tatîl serî li meclisê da

- Li 10 cihan Newroz: Dengê bilind îro li Wanê ye

- Li Ûrmiyeyê bi deh hezaran kesî Newroz pîroz kir

- Ji Qesra Îsheq Paşa heta ber Tirba Ehmedê Xanî meşa Newrozê

- Li Başûr ji bo Newrozê 3 roj tatîl ragihandin

- Va ye strana Newrozê ya îsal

- Meşaleyan Sûrên Amedê ronî kirin

- Agirê Newrozê li Licê hat pêxistin

- Deklerasyona Newroza îsal

 - 89 cih: Va ye bajar bi bajar bernameya Newrozê