Diyarname
Piştî 12 rojên şerê di navbera Îsraîl û Îranê de îro şerawestin hat ragihandin. Niha wê çawa be?

12 rojan her du aliyan jî bi ser hev de fuze barandin. Bi sedan kes mirin, bi hezaran kes birîndar bûn. Di nav vî şerî de DYA'yê jî piştî hefteyek piştgirî da Îsraîlê û êrîşê Îranê kir. Îranê êrîşê baregehên DYA'yê yên li Qetarê kir. Piştî vê yekê Trumpî telefonê Emîrê Qetarê kir û dûre pêvajoya şerawestinê dest pê kir.
Rayedarekî payebilind ê ji Îranê ji bo Reutersê gotiye, "Pêşniyara şerawestinê ya ji aliyê DYA'yê bi rêya Qetarê hatiye kirin em qebûl dikin." Îran Pressê ragihand ku vê sibê saet 07.30 de şerawestinê dest pê kiriye.

Serokdewletê DYA'yê Donald Trumpî daxuyanî da, "Di navbera Îsraîl û Îranê de şerawestinê bi temamî dest pêkiriye. Şer wê bi awî bibe. Ji kerema xwe re îhlal nekin." Trumpî gotiye ku Îsraîl û Îran her du hema hema diheman kêliyê de hatine cem min ku şerawestinê saz bikin, ev kêlî niha ye.

Îranê gotiye ku di vê demê de emê her amade bin, tiliya me dê li ser tetikê be.
Wezîrê Parastinê yê Îsraîlê Katz got ku Îranê şerawestin îhlal kiriye û fermana êrîşê da. Îranê ev îdîaya îhlalkirinê red kir.
Li gor agahiyên dawî, şerawestin hê di kêliyên pêşî de ye, helwesta her du aliyan di nava rojê de dê diyar bibe. DYA dixwaze di nav 24 saetan de bi temamî şerawestinê saz bike.