Diyarname
Ji bo maçên Kûpaya Tirkiyeyê Gava Yekemîn pişke hate kişandin. Li dor 20 tîmên kurdan jî di gava yekemîn de hene. Ji van, tîma Şaredariya Bajarê Mezin a Amedê "Diyarbakir Buyukşehir Belediyespor" dê bi Elazig Belediyesporê re bilîze.

Maçên Kûpaya Tirkiyeyê îsal bi diruşma "Kûpaya Tirkiyeyê Tirkiyeyê Hembêz Dike" li dar dikeve. Ji bo maçên yekemîn, bi gotineke din "Tûra Yekemîn" pişke hate kişandin. Di kişandina pişkeyê de Wekîlê 1'emîn ê TFF'ê Ufuk Ozerten jî hebû.

Ji 81 bajaran bi giştî 156 tîm beşdarî maçên kûpayê dibin. Di "Tûra Yekemîn" de ji bajarên ku tîmên wan di lîga profesyonel de nîn e 32 tîmên wan ên di Lîga Amator de dilîzîn û 54 tîmên profesyonel ên ku di Lîga Sêyemîn a Spor Totoyê de dilîzin dê bi hev re bilîzin. Di encama pişkeyê de li gor isûla "maçek tenê" dê bê dest pê kirin. Kîjan tîm bi ser bikeve dê derbasî "Tûra Duyem" bibe. Ev maçên Kûpaya Tirkiyeyê ji bo tîmên amator û tîmên Lîga 3'yemîn girîng in, lewra ew dikarin hindik be jî serketinê nîşan bidin û bikeve rojeva raya giştî ya Tirkiyeyê.

Maçên pêşîn dê rojên 19-20'ê vê mehê, saet 15.00'an de bilîzin. Di vê tûrê de tîmên bajarên kurdan jî cih digirin. Diyarbakir BB dê Elazig BB'yê bike mêvan, Belediye Wan spor jî dê Tatvan Gençlerbirligi bike mêvan. Batman Petrol dê bi Hakkari Zap Spore re bilîze. Diyarbakirspor jî li Çewligê dê Belediyer Bingolsporê re bilîze.

Vane hin maçên ku tîmên li bajarên kurdan dê ji bo derbasî tûrek din bibin bilîzin:

- İskenderun 1967 - Adiyamanspor
- Kahramanmaraş Belediye-Kirikhanspor
- Diyarbakir BB - Elazig Belediye
- Belediye Bingol - Diyarbakirspor
- Erzerom BB - Beşikduzuspor
- Erzîncan spor - Dêrsim Spor
- Ardahan SPor - Patnos Gençlik Spor
- Kars Spor - Igdir Universitesi Spor
- Belediye Van Spor - Tatvan Gençlerbirligi SPor
- Siirt Spor - Mardin Spor
- Batman Petrolspor - Hakkari Zap Spor
(Ev hemû maç dê roja 19'ê mehê bêne lîstin)