Diyarname
Komeleya Azadiya Ramanê (IFOD) navenda wê li Stenbolê ye. Komeleyê "AstengkirinaWeban Rapora 2024'an amade kir û belav kir. 

Rapor radigihîne ku heta dawiya sala 2024'an li Tirkiyeyê  mîlyonek û 264 hezar û 506 malper û navên înternetê hatine sansurkirin. Li gor rapor her sal hejmara sansura li ser malpera zêdetir dibe.
Dadgeha Zagona Bingehîn (AYM) ragihandibû ku azadiya ramanê heye, ligel vê biryara AYM'ê jî her diçe sansura li ser malperan zêdetir dibe.

Li gor raporê sal bi sal malperên hatine sansurkirin bi vî rengi ne:
* 2018: 347 hezar û 445
* 2019: 408 hezar û 494
* 2020: 467 hezar û 11
* 2021: 574 hezar û 798
* 2022: 712 hezar û 558
* 2023: 953 hezar û 415
* 2024: 311 hezar û 91
Li gor rapor^eherî zêde di sala 2023'yan de sansur danîne ser malperan.

SANSURA LI SER YOUTUBE Û X'ê
Raporê li ser sansura X, Youtube û hesabên din jî agahî belav kirine. Rapor dibêje heta diway 2024'an hejmarên di vî warî de jî bi vî rengî ne:
- 270 hezar navnîşanên URL hatine qedexekirin.
- 17 hezar hesabên X'ê hatine qedexekirin.
- 75 hezar twit û parvekirinên di X'ê de hatine qedexekirin.
- 25 hezar û 500 heb vîdeoyên di YouTube de hatine qedexekirin.
- 16 û 700 parvekirinên di Facebookê de hatine astengkirin..

ÇAPEMENIYA KURDAN
Di vê demê de gelek weşanên çapemeniya kurdan jî hatin qedexekirin. Hesabên Ajansa Mezopotamyayê (MA), yên JINNEWS'ê, dîsa yên Xwebûnê hatin qedexekirin.