Diyarname
DÎMDER'ê (Komeleya Îşaat Mutehîtên Amedê) biryar da bibe sponsorê hemû tîmên jêrîn ên Amedsporê. Ji bo vê peyman îmze kirin.

'BILA HER TIŞTÊ ME FEDA BE'
Serokê DÎMDER'ê Aziz Elaldi ligel Serokê Klûbsa Amedsporê Nahit Eren û endamên rêveberiyê peymana sponsoriyê îmze kir. Bi vî awayî DÎMDEM bû sponsorê tîmên jêrîn ên Amedsporê. Di vê çarçoveyê de li ser singê formayên hemû tîmên jêrîn ên Amedsporê wê reklama DÎMDER'ê hebe. Elaldi got, "Ji bo ciwanên me bi derfetên baştir xurt bibin û ji bo em pêşeroja bajarê xwe şurt bikin tiştê bikeve ser milên me emê bikin. Ji bo pêşeroja gelê me bila her tiştê me feda be. Em sala serketî ji bo tîmên me yên jêrîn dixwazin."

'BILA JI BO YÊN DIN BIBE MÎNAK'
Serokê Klûba Amedsporê Nahit Eren jî di civînê de sipasiya DÎMDER'ê kir û got, "Bila ev piştgiriya girîng ji bo komeleyên din û saziyên me yên sivîl ên din bibe mînak. Em her dibêjin, pêdiviya Amedsporê ne tenê bi serokê klûbê, rêveberî û îştîşareyê, pêdivî bi piştgiriya hemû saziyên li bajêr heye. Em ji saziyên din jî li benda piştgiriyê ne."