Diyarname
Tabloya wênesazê tirk Osman Hamdî Bey roja 25’ê adarê li Mezatxaneya Bonhamsê ya li Londonê bi 3 mîlyon û 678 hezar sterlînî hat firotin.

Dîrektorê tabloyên sedsala 19’an ê Bonhamsê Charles O’Brien, ji bo tabloya ku mezinahiya wê 208 x 109 santîm e wiha gotibû:

 “Hem ji aliyê pîvanê ve hem jî ji aliyê hûrgiliyan ve bi heybet e. Nimûneyeke bêkêmasî ye ku dîmenekî kolanê yê hevçax û taybetmendiyên mîmariya camiyeke Osmanî ya sedsala 15’an tîne cem hev.”

Tabloya ku Osman Hamdî Bey di sala 1891’ê de temam kiribû, ji sala 1895’an dema ku ji aliyê Zanîngeha Pensîlvanyayê ya DYA’yê ve hatibû kirîn û vir ve qet nehatibû firotin.

Her wiha tabloya wî ya bi navê ‘Amadekirina Qehweyê’ ku heta demeke nêz wekî "winda" dihat zanîn, di meha avrêla 2025’an de di mezateke de bi bihayê zêdetirî mîlyonek sterlînî hatibû firotin.

Mala Muzayedeyê ya Bonhamsê di sala 2019’an de jî berhema hunermend a bi navê ‘Jina Ciwan Dema Dixwîne’ bi 6,6 mîlyon sterlînî firotibû û ev firotin wekî rekorekê hatibû dîtin.