Diyarname 
Nivîskar Yaqob Tilermenî heta niha bi dehan pirtûk nivîsandine. Ji 30 salan zêdetir e kedê dide nivîsa kurdî. Wî, îsal di vê serdema Kûpaya Cîhanê de ji bo Diyarnameyê 10 nivîs nivîsîn; ji niha û pêde jî wê wekî qunciknivîskar bi nivîsên xwe bi me re be.

Nivîskar Yaqob Tilermenî di sala 1972'yan de li Qosera Mêrdînê hatiye dinê. Wî dibistanên pêşîn li Qoserê xwendine, paşê li Zanîngeha Dîcleyê-Fakulteya Perwerdehîyê, Beşa Fizîkê qedandiye.
Piştî xwendina xwe temam kir dest bi mamostetî kir.
Ev bi ser 30 salan re ye ew bi kurdî dinivîse. Di destpêka salên 2000'î de ew jî ligel hin mamosteyên kurd hat binçavkirin û paşê hat sirgûnkirin. 
Ji sala 1995’an û vir ve mamoste bû. Bi hejmara 686'an a KHK'ê (Biryarnameya Di Hikmê Zagonê de) di meha reşemiya 2017’an de ji mamostetî hate derxistin. Mecbûr ma ji Tirkiyeyê bar kir.

Tilermenî ji sala 1995’an ve dinivîse. Heta niha di kovar û rojnameyên wekî Jiyana Rewşen, Pelîn, Kevan, Nûdem, Hîwa, Rewşen-name, pêveka Ozgur Gundem- Ekgundem, Ozgur Politika-Hîwa, Azadiya Welat, Dunyanin Oykusu, 14 Şubat Dunyanin Oykusu, Tîroj, Notos, Kovara W û malperên bi navê Mehname, Diyarname, Amîdakurd, Amûde de hatine weşandin.
Pirtûka wî ya yekem bi navê "Êşbazî" di sala 2002'yan de ji aliyê Weşanên Sî ve hat weşandin. Pirtûk gelek hat ecibandin û Tilermenî bi vê yekê ciheke girîng di nav qada wêjeya kurdî de girt. Û dûre bi pirtûkên din ev cihê xwe yê li nav wêjeya kurdî zexmtir kir.

Yaqob Tilermenî niha beşdarî me bû û wekî qunciknivîskar dê kedê bide nivîs û qada kurdî. Nivîsa wî ya yekem sibê tê...

Pirtûkên wî ev in:
- Êşbazî, Çîrok (Gulan 2002, Weşanên Sî)
- Bermeqlûb, Çîrok (Gulan 2003, Weşanên Elma- Pirtûkên Mîr)
- Ferhenga Sirgûnê, Çîrok (Sermawez 2004, Weşanên Lîs)
- Kitim, Roman (Rezber 2005, Weşanên Lîs)
- Qerebafon, Roman (Nîsan 2009, Weşanên Do )
- Bavfileh, Roman (Sermawez 2009, Weşanên Do)
- Kulîlkên Apê Mûsa, Şanonameya Zarokan a Muzîkal (Zivistan 2012, Weşanên Zîbeq)
- Kermêşa Gerok, Novela Ciwanan (Zivistan 2012, Weşanên Zîbeq)
- Metamorfoz, Çîrok (Avrêl 2012, Weşanên Na)
- Danişîna Zimanekî, Şanoname (Bihar 2012, Weşanên Şaredariya Bajarê Mezin a Amedê Şanoya Bajar)
- Hêlange, Roman (Gulan 2016, Weşanên Lîs)
- Pizdank, çîrok (2018, Weşanên Lîs)
- Keskeşîn, çîrok (2026, Weşanên Lîs)

Wergerên wî:
- Rojda, Ozcan KARABULUT, Çîrok, ji tirkî (Rezber7. 2005, Weşanên Lîs)
- Cam û Kevir, Şukru ERBAŞ, Helbest, ji tirkî, ligel Dîlber HÊMA (2005, Weşanên Lîs)
- Bêbaran, A. Hicri İZGOREN, Helbest, ji tirkî, ligel Lal LALEŞ (Kewçêr 2005, Weşanên Lîs)

***

Nûçe nivîsên eleqedar:

Nûçeya Pirtûka wî ya nû:
- Pirtûkek çîrokan, yek a helbestan du pirtûkên nû derketin

Nivîsên wî yên di dema KÛPAYA CÎHANÊ 2026'AN de nivîsîn:
 

DIBE EV NÛÇE-NIVÎS BALA WE BIKIŞÎNIN: 

- Yamalê ji teşta Messi derketî, Williamsê ji Çola Sehra hatî

- Şerê Falklandê û pêşbaziya nîv fînalê

 - Messi, tu çi şexs î ?

- Şerma Gijonê

- Gelo di futbolê de edalet heye?

- Swîsreya bê marş, çar ziman û golên wê yên li Kûpaya Cîhanê

- Mêrxas Doskî yê kurd û sê golavêjên din

- Goga Lingan û Serê Hz. Huseyîn

- Şeva lîstikvanê kurd Denîz Undav a di Kûpaya Cîhanê de

- Ji bo cîhanê goga lingan, ji bo kurdan gef û gur û fişarên tirkan