Diyarname
Nivîskar Jan Dost li TUYAP'ê beşdarî panela "Ziman, dîrok û nasname" bû û got: "Tiştên muşterek divê hebin. Mesela Hz. Mihemed dema dest pê kir yek Xweda çêkir. Her yek xwedayek wan hebû. Xwedayên din hemû şikandin. Ger ne wisa ba ereb nedibûn yek wekî me kurdan. Dema em li şikeftan bûn me yekîtî qebûl nedikir. Yê me jî divê tiştên me yên muşterek hebin ku em bi hev re tiştan bikin."

Di panela ku roja dawî ya TUYAP'ê (25'ê mehê) li dar ket û Ali Fikri Işik bi rê ve bir de nivîskar Jan Dost qala dîrok, ziman û nasnameyê kir. Dost got ku em miletekî di qrîzede ne loma divê em li dîroka xwe vegerin û xwe bispêrin wê.
Dost qala pêwîstiya bi ziman kir, got ku mezinên kurdan qîmeta ziman dizanîn û bal kişand ser gotina Melayê Cizîrî "Helbestên min bixwînin".

Nivîskar Dost got ku li ba kurdan dîrokek muşterek çênebûye, wekî mînak got ku divê haya me ji tarîxa Erdelan jî, ya Baban jî hebe û divê haya kurdên me yên Mehabadê jî ji tarîxa Bedirxanan hebe. Her wiha Jan Dost got ku kurd hêdî hêdî têne ba hev.

Piştî panelê Jan Dost li standa Avestayê pirtûkên xwe ji bo xwendevanan îmze kirin.

Foto: Cemil Oguz

***

REKLAM

Ji bo têkiliyê:
www.kovaradiwar.com
peywendi@kovaradiwar.com
Dîwar
Friedhofstr. 19
64401 Gross-Bieberau
Germany

Ji bo nûçeyê LOGO'yê bitikînin