Diyarname
Malpera parvekirina vîdyoyan YouTube got ku hejmara mêvanên wan ên dikevin malperê mîlyarekî derbas kiriye.

Di daxuyaniyê de wisa hate gotin: "Ger em welatekî bana emê piştî Çîn û Hindistanê bibana welatê sêyemîn ê herî qelebalix."

YouTube ragihand ku bi vê hejmarê wan Facebook derbas kiriye.

Youtube di sala 2012'yan de ji reklaman mîlyar û nivî dolar pere kar kiriye. Digel vê yekê ji reklamên lêgerîn û banneran jî bi sed hezar mîlyon dolaran pere kar kiriye.

YouTube di sala 2005'an de hatibû avakirin û heta hejmara temaşevanên wê 50 mîlyon kesî derbas kiribû ji aliyê Google ve hatibû kirîn.

Li DYA'yê sektora reklamên qada dîjîtal li dor 42 mîlyar dolar e. Di vê qadê de para online vîdyoyan li dor sedî 15 e.