Diyarname

Di "Gava duyemîn" a Pêvajoya Çareseriyê de BDP'ê ji hikumeta AKP'ê çi xwest? Vane ew xal...

Ev demeke "Pêvajoya Çareseriyê" didome û niha derbasî Gava Duyem bûne. Hevserokê BDP'ê Selahattin Demirtaş ku di nav heyetên çûn Îmralî bi Rêberê PKK'ê Abdullah Ocalan re hevdîtin pêk anîn de bû. Îro ji rojnameya Milliyetê hevpeyvîneke dirêj bi Demirtaş re kiriye. Demirtaş di pêvajoya Gava Duyemîn de tiştên ku divê bêne kirin anîne ziman. Her wiha paketa lezgîn a guherandinan ku pêşkêşî hikumeta AKP'ê kirine jî eşkere kir.

Vane ji gotinên Demirtaş tiştên di nav vê paketa lezgîn de:

- Me du paket pêşkêşî hikumetê kirin yek jê paqijkirina rê ya bi giştî û ya din jî bi lezgînî paqijkirina rê. Mînak me xwest TMK (Zagona Têkoşîna bi Terorê re) bi bê betalkirin. Hikumet bi xwe dizane ev zagon ne lazim e.

- Li ser girtina kesan a dem dirêj me vesazkirineke xwest.

- Di sûcên siyasî de ceza daxin asta herî jêr, dema girtîmayînê kurt bikin. Girtinê zehmet bikin.

- Di CMK'ê de guherîn me xwestin.

- Me ji bo bendava hilbijartinê pêşniyarên cur bi cur pêşkêş kirin. Me pêşniyara bendava sedî 3 kir. Dîsa pêşniyareke wisa jî, me got dikare wisa be: Partiyeke li 5 herêmên hilbijartinê bibe yekemîn bila bê qebûlkirin ku bendava Tirkiyeyê derbas kiriye û bikeve meclisê. Partiyeke li 5 cihan bûbe yekemîn diyar e ku li Tirkiyeyê bingeheke wê heye.

- Li ser alîkariya xezîneyê pêşniyarê me heye. Em dibêjin bila partiyên ku sedî 1 û bi ser vê re deng girtibin ji xezîneyê sûde bigirin.

- Ji bo pêşendanan qedexeya ku walî dikin me xwest bê sînorkirin.

- Li ser "Zimanê propagandayê' pêşniyarên me hene. Niha her kes mecbûrî bi tirkî propgandayê dike. Her partî çerkezî, erebî, bi kîjan zimanî dixwaze bila di televîzyon, mîtîng, li ber kursiyê bi wî zimanê propagandaya xwe bike.

- Me hevserokî pêşniyar kir ku me xwest di zagona partiyên siyasî de hevserokî bibe fermî. Bila di partiyan de rayeya Serokan bê kêmkirin.

- Me xwest stasuya îbadetxaneyan bidin Cemxaneyan.

- Bila di Peymana Mafên Mirovan û Mafên Zarokan de çi astengiyên ku Tirkiyeyê dane pêşî ji holê rabin.

- Li pêşberî Rêveberiyên Herêmî xalên ku Tirkiyeyê qebûl nekirine hene me xwestin wan bên qebûlkirin.

- Xala 314'an a TCK'ê ku endamtiya rêxistina çekdar saz dike ku felek fireh e. Me got kesek raste rast bi rêxistina çekdar re têkiliya wî/ê nehatiye diyarkirin û neketine nav bûyera şîdetê bila wekî endamên rêxistinê neyên darizandin.

Ev hemû bi zagonê dikarin bên çareserkirin, ne hewceyî zagona bingehîn in.

- Meseleya perwerdehiya bi kurdî meseleya Zagona Bingehîn e. 

- Îro hê 2 -3 hezar hevalên me li benda berdanê ne. 4 sal 3 meh in girtîne. Di 14'ê avrêla 2009'an de hatine girtin. Ceza bigirin jî dê 4 sal û 6 meh razên...

*****

REKLAM

Kovara DÎWAR hejmara xwe ya 6'an derxist.

Ji bo agahiyên berfireh: www.kovaradiwar.com

Ji bo nûçeyê:

- Di 'Dîwar'a nû de ji gelek aliyan ve 'Çîrok'