Diyarname

Serokê Lijneya Rêveberî ya Festîvala Wanê Bager Oguz Oktay li ser 2'yemîn Festîvala Fîlman a Navneteweyî ya Behra Wanê dibêje: "Armanca me ew e ku em prestîja bajarê Wanê bilind bikin."

2'yemîn Festîvala Fîlman a Navneteweyî ya Behra Wanê îsal di navbera 1-7'ê meha rezberê de li dar bikeve. Festîval dê bi beşdariya soprano Pervin Çakar û piyanîst Nazê Îşxan, bi stranên wan ên ji bo aştiyê dest pê bike. Her wiha pêşangeha hunerên plastîkî ya 26 hunermendan jî dê li dar bikeve. Di festîvalê de gotûbêj, atolye, semîner, gera ji bo mêvanan, 4 çalakiyên guhdarîkirina muzîkê, şeveke helbestan jî heye.

Festîval îsal di gelek waran de xelatan dide. Xelata Fîlmê Sînemayê yê Herî Serketî, Xelatên Derhêner, Lîstikvan, Senorya, DerHênerê Dîmenê, Derhênerê Hunerê, Muzîka Herî Serketî jî here. Her wiha Xelata Taybet a Juriyê jî dê bê dayîn. Di warê belgefîlman de jî di van waran de ev xelat dê bêne dayîn.

Derxistina potansiyela çand û hunerê

Bager Oguz Oktay li ser armanca festîvalê dibêje ku armanca festîvala wan a yekemîn "Nava Wanê" bû, piştî erdheja Wanê wan dikir ku moralê bidin waniyan û wisa didomîne: "Potansiyeleke çand û hunerê ya bajêr hebû. Pêdivî bi festîvaleke wisa hebû me da dest pê kirin. Armanca 2'yemîn festîvala me jî ew bû ku em piştgirî bidin aştiyê û me armanc wisa diyar kir; 'bi zimanê aştiyê, ji bo aştiyê'. Bi vî awayî me xwest em piştgirî bidin aştî û pêvajoya aştiyê."

Oguz dibêje bi vê festîvalê ew dikin ku xebatên çandî û sînemayê yên li Wanê zêde bikin û wisa dibêje: "Em dikin sînemagerên profesyonel û yên ciwan bên ba hev, hev binasin; bi atolyeyên em saz bikin hişmendiya sînemayê bi herêmê bidin fêmkirin; bi nîşandayîna fîlman û semîneran li vir sînemayê geş bikin. Her wiha hin hunermendan bînin Wanê û bi vê yekê jî prestîja bajarê Wanê di qada navneteweyî de bilind bikin."

Qada navneteweyî

Ew di serê meha rezberê de festîvalê li dar dixe û li ser sedema vê yekê jî van tiştan dibêje: "Her sal di meha rezberê de ji Ermenistan û ji gelek cihên dinyayê gel tên Wanê, li Dêra Axtamarê ayîn çêdikin. Me festîval rastî vê serdemê aniye ku festîval bigihîne asteke navneteweyî, di heman demê de dan û standina hunerî ya di navbera mirovan de çêbibe."

Îsal ji par zêdetir serîlêdan heye

Li gor gotina Oguz par di nav zehmetiyan de festîval li dar xistine, ew bi xwe reqîbên xwe bûne, lê kirine ku xebateke baş bikin. Serokê Lijneya Rêveberiyê ya Festîvalê Oguz wisa didomîne: "Gelek zehmetî hebûn û ligel bê piştgiriyê jî me bi derfetên xwe saz kir. Li gor derfetan, me xebateke baş derxist û nêzîktêdayîna li hemberî festîvalê guherî. Gelek kesên ku bawer nedikirin dê festîval bi ser bikeve par nêzî 70 kesî me kirin mêvanên xwe û me gerên çandî li dar xistin. 14 fîlmî serî lê dabû, me pêşangeha wêneyên 22 hunermendan jî li dar xist.

Îsal ligel fîlmên metrajdirêj me cih da belgefîlman jî. Îsal texmînî li  dor 25 fîlman hatine. Îsal gelek belgefîlm jî hatine şandin."

***

Nûçeya eleqedar:

- Wan bi aştiyê deriyê xwe li fîlman vedike