Diyarname

Hevserokê KCD'ê Ahmet Turk ji bo Rojava bang li partiyên kurd kir û got: "Pêşî, li ser pêşeroja gelê kurd bifikirin. Dest ji têkoşîna ji bo berjewendiyên partiya xwe berdin."

Hevserokê Kongreya Civaka Demokratîk Ahmet Turk li Mîtînga ji bo Rojava ya li Kadikoya Stenbolê de axivî. Turk bi kurdî axaftina xwe kir û paşê bi tirkî temam kir.

Vane ji axaftina Turk çend not:

- Şoreşa Rojava azadiya her çar parçeyên Kurdistanê ye.

- Yên Kurdistan kirine çar parçe ji bo kurdan tune bikin, serî li her rê û rêbazan didin. Lê  kurd di sedsala 21'ê de xwe ji xweliya xwe, ji nû ve ava kir. Berî her tiştî dixwazim sipasiyên xwe pêşkêşî Birêz Ocalan bikim ku em anîne vê rojê. Gava ku di sala 1978'an de bi komeke hevalên xwe re ji bo guhertina çarenûsa gelan avêt, dê ne ji aliyê kurdan, ne ji aliyê şoreşgeran û ne jî ji aliyê azadîxwazan, tu carî neyê ji bîrkirin."

- Ji ber piştgiriya hikumetê çete êrîşî şoreşa Rojava dikin. Em bang li hikumetê dikin  û dibêjin, ev çete wê sibê bibin belayê serê we jî.

- Li Rojhilata Navîn Kurd aktorekî girîng in. Bêyî Kurdan Rojhilata Navîn azad nabe. Eger hûn alîgirên demokrasiyê ne, hûn neçarin daxwaza azadiyê ya gelê kurd bibînin. Siyaseta ku niha li dijî kurdan tê meşandin siyaseteke li dijî mirovahî, li dijî exlaqê ye. 

- Kengî em azad bûn gelê tirk, gelê ereb, gelê faris jî dê azad bibin. Em niha di nava feraseteke mejiyê netewe dewletê ku dema wê bihuriye derbas dibin. Em alîgirê sîstema konfederal a demokratîk a gelên Rojhilata Navîn in.

- Em bang li partiyên kurd ên li Rojava jî dikin. Ji bo desthilatdariya xwe şoreşa Rojava nefiroşin. Ev roj ew roj e ku emê li dijî wan hêzên ji bo berjewendiyên xwe siyasetê dikin, derkevin. Eger wekî partî dest ji berjewendiyên xwe bernedin û di têkoşîna hevpar de cih negirin, divê em wekî gel li dijî wan rawestin. Ji bo kurdan siberojeke bi êş û azar rû nede, pêwîst e em wan hişyar bikin. Eger em ji bo şoreşa kurdan dixebitin, yekîtiya wan dixwazin, divê em şaşiyan deynin holê. Kurd ne tenê ji bo kurdan ji bo guhertina tevahiya dîroka Rojhilata Navîn derketiye pêş.

***

Nûçeya eleqedar:

- Bi hezaran kesî silav li Rojava kir