Diyarname

Kongreya BDP'ê ku li Enqereyê li dar ket bi dawî bû. Di kongreyê de BDP'ê nav guhart û bû DBP (Demokratîk Bolgeler Partisi - Partiya Herêmên Demokratîk). Ji bo Hevserokatiya DBP'ê jî Emine Ayna û Kamuran Yuksek hatin hilbijartin.

Di kongreya bi diruşma "Em bi Xweseriya Demokratîk jiyaneke azad ava dikin" li dar ket de raporên çalakî û malî hatin xwendin, bi yek dengî rapor hatin qebûlkirin. Paşê biryara guhartina nav hat girtin û BDP bû DBP.

Ji bo çêkirina amblemeke nû komîsyoneke hate avakirin û raye dan komîsyonê. Piştî nîvsaetên navberê derbasî hilbijartinê bûn; Ayna û Yuksek ji bo hevserokatî, 60 kes ji bo endamên Meclisa Partiyê hatin hilbijartin. Meclisa Partiyê ji van kesan pêk hat: 

“Meryem Adibelli, Salih Akdogan, Talat, Aktaş Sercan Aktaş, Sara Aktaş, Selçuk Akturk, Gulbahar Alpsoy, Hayrettin Altun, Çimen Altürk, Berat Anli, Mehmet Arslan, Mehmet Ayhan, Fikriye Aytin, Gulistan Balkaş, Yuksel Baran, Dilan Bilen, İbrahim Bilmez, Berbal Birtek, Miraz Bizen, Ayşegul Çoban, Miraz Çalli, Melek Çetin, Tugba Çoban, Semra Demir, Pero Dundar, Cihan Ekin, Yahya Figan, Turan Genç, Mujdat Gur, Mehmet Guzel, Çimen Işik, Yavuz Karaoglu, Pelguzar Kaygusuz, Herdem Kizilkaya, Huseyin Koçuk, Firat Kuçukaslan, Sabahat Onar, Mekiye Ormanci, Dilek Ocalan, Zeynep Ozbeci, Omer Oner, Alican Onlu, Ercan Ozcan, Emine Ozmen, Adalet Polat, Sirri Sever, Şahabettin Sirma, Dilan Sonsuz, Sevda Subaşi, Xece Şen, Mazlum Tekdag, Felemez Tekel, Naim Turkoz, Menmet Sait Uçlu, Netice Vuran, Ozlem Yanat, Ramazan Yildiz, Bilnur Yildiz, Huseyin Yilmaz, Muhammed Zengin.”

Endamên Lijneya Dîsîplînê ya Navendî jî ji van kesan pêk hat: “Ahmet Dogan, Sevim Dursun, Lutfiye Gurbuz, Mensur Işik, Mehmet Nuri Ozmen”

Ocalan di peyama ku ji bo kongreyê şand de "partiya nû" wekî dibistana ku dê kadroyan bigihîne bi nav kir û got: "Polîtîkaya rojane dê barê we bikeve ser milê HDP û şaredariyan, ev partî bixwe dê ji bo dema navîn û dema dirêj kadroyan bigihîne û li hemû aliyên civakê xwe bide rêxistinkirinê."

**

Nûçeya eleqedar:

- Hevserokê BDP'ê Yuksek: Emê ji bo Rojava xebata seferberî bidin dest pê kirin 

- Notên ji Kongreya BDP'ê