Civînên YAŞ'ê bi dawî bûn û rayedarên nû hatin hilbijartin. Îlker Başbug jî bû serfermandar.

Cînên Şûraya Leşkerî ya Bilind (YAŞ) piştî sê rojan bi dawî bû û biryarên ku di YAŞ'ê de hatin girtin îro ji aliyê Serokomar Abdullah Gul ve hatin erêkirin.

Li gor van biryaran Serfermandare nû yê artêşa tirk ji 30'ê gelawêjê wêdetir êdî Îlker Başbug e.

Di civînê de 32 general û amîral derbasî rutbeyeke jorîn bûn, 46 albay derbasî generalî û amîralî bûn, peywira 46 general û amîralan jî ji bo saleke hate dirêjkirin.
Di encamê de ev guherîn çêbû:

Orgeneral Îlker Başbuf ji Serfermandariya Hêzên Bejayî derbasî Serfermandariya Giştî bû.

Orgeneral Sebahattin Işik Koşaner ji Serfermandariya Giştî ya Jendirmeyan derbasî Serfermandariya Hêzên Bejayî bû.

Orgeneral Ergin Saygun ji 2'yemîn Serfermandariyê derbasî Serfermandariya Artêşa 1'emîn bû.

Orgeneral Hasan Igsiz ji Serfermandariya  Artêşê ya 2'yemîn derbbasî Serfermandariya Giştî ya 2'yemîn bûn.

Orgeneral Avni Atila Işik ji Serfermandariya Hêzên Bejayî ya Serokatiya Kurmayiyê derbasî Serfermandariya Giştî ya Jerdirmeyan bû.

Orgeneral Necdet Ozel ji Serfermandariya Artêşa Egeye derbasî Serfermandariya 2'yemîn a Artêşê (Meletî) bû.

Korgeneral Aslan Guner ji Serfermandariya Kolordiyê ya 4'emîn derbasî Serfermandariya Hêzên Bejayî Serokatiya Kurmayê bû.

Korgeneral Hayri Kivrikoglu ji Serfermandariya Hêzên Aştî yên Tirk ên li Qibrisê derbasî Serfermandariya Artêşa Egeyê (Îzmîr) bû.

Serfermandarê nû Başbug kî ye?

Îlker Başbug di sala 1943'yan de li Afyonkarahîsarê hatiye dinê, bi koka xwe ji Makedonyayê ye. Ew di sala 1962'yan de Dibistana Herbê ya Bejayî, di sala 1963'yan de jî dibistana piyadeyan kuta kiriye.
Başbug di sala 1989'an de bû tuggeneral, 1993'yan de bû tumgeneral, 1997'an de jî bû korgeneral, Başbug ku di sala 2002'yan de bû orgeneral, bavê du zarokan e û bi îngilîzî dizane.

Ji BÎAnetê hatiye girtin