Cemil Oguz

Cara 6'an Barişarock li dar ket. Di festîvalê de herî zêde "Pirtûkxaneya Zindî" bala beşdaran kişand.

Yekem car di sala 2003'yan de li hemberî Rock'in Rockê festîvala Barişarock li dar ket û di van 6 salan de geh li hemberî şer gotin "Divê em tiştekê bikin", geh gotin, "dinyayeke nû mimkûn e" û her carê jî ji bo li hemberî şîrketên navneteweyî, ezperestiya kapîtalîzmê, dengê azadî, wekhevî û biratiyê bilind kirin. Aktivîstên Barişarock gotin, "Em navberê didin Barişarock" û cara dawî festîvala dawî li dar xistin.

Sedem wekî "daxwaza parastina rêgez û enerjiya wê" nîşan dan û bi vî awayî ne navbereke dan Barişarock.
Festîval îsal ji bi beşdariya hezaran kesî li Qada Seyranê ya Mehmet Akif Ersoya Stenbolê li dar ket.

Meclisa Aştiyê ya Tirkiyeyê, GençSer, Însiyatîfa DurDe, gelek saziyên sivîl û rêxistinên hawirê di festîvalê de stand vekirin. Festîvala ku ji dehan welatan bi sedan hunermend beşdar bûn de stran hatin gotin, pêşangeh hatin vekirin, "Qehwexaneya Mafên Civakî" hate li dar xistin tevî sohbetên di navê de, atolye hatin sazkirin... Di nav festîvalê de beşa ku herî zêde bal kişand "Yaşayan Kutuphane (Pirtûkxaneya Zindî)" bû.

Di Pirtûkxaneya Zindî de Kurd

Pirtûkxaneya Zindî ji pirtûkxaneyên heyî cudatir, pirtûkên di pirtûkxaneye de mirov in û bi xwendevanan re rasterast didin û distînin.

Pirtûkxane di nav çadireke mezin de hatiye avakirin, ciwanên di nav de rûniştî û kataloga pirtûkxaneyê pêşkêşî we dikin. Di katalogê de 'pirtûk'ên erebî, ermenî, Parêzer, Tilyakêşên ku dev ji kişandinê berdane, Çavkor, Hiv +, Lezbiyen, Psîkolog, Romen, Biyaniyên ku li Tirkiyeyê dijîn, Şîzofren, Kurg, Derecekarê OSS'ê, Wênesaz, Transeksuel, Cihû, Laz, Gey, Elewî hene lê ne pirtûkên hatina çepkirin, yên dijîn, wekî me xwedî du dest û du lingan.

Hûn pirtûkê ku dixwazin bixwînin ji katalogê hildibijêrin, ger rewşa pirtûkê guncav be, li molayê, yan jî li ber xwendinê nebe hûn pirtûkê digirin, demekê dixwînin û 'bêyî zerar bidinê tînin teslîm dikin, hûn bixwazin hûn yekê din jî digirin.
Belê pirtûk ji mirovan pêk tên. Kesên bûne pirtûk ji nav wê mijara ku di nav katalogê de hatine bi nav kirine hatine û hakimê mijarê ne. Li ber deriyê Pirtûkxaneya Zindî hûn pirtûkê ku diwazin bixwînin dixwazin, pirtûkê ku hûn dixwazin yanê ew kes ger vala be, hûn tevî 'pirtûkê xwe' digirin û diçin nav daran li ser mînderên ku danîne erdê ku jêre 'salona xwendinê' dibêjin. Hûn dipirsin, pirtûka we agahiyan dide we. Ger pirtûka ku hûn dixwazin ne amade be, yan jî li ber destê yekî/ê din be, yanê di wê kêliyê de ger yekî/ê din wê bixwîne yan divê hûn li benda wê pirtûkê bisekinin an jî divê hûn ji xwe re yeke bi mijareke din hilbijêrin.

Armanc şikandina pêşdaraziyan e

Em jî meraq dikin. Em diçin li kataloga pirtûkxaneyê dinêrin em jê pirtûka "Kurd" a li ser kurdan hildibijêrin, xebatkarên Pirtûkxaneya Zindî li lîsteyê dinêrin, dibêjn "ew ne vala ye, niha di xwendinê de ye", em pirsa "Kîjan vala ye" dikin, ew hinan dijmêrin, em heta yekê jê hildibijêdin, dibêjin, "Ew jî çû xwendinê" û em destvala dimînin. Em hinek din disekinin, xebatkar dibêje, "Pirtûka Ermenî" hat, em "Temam" dibêjin û tevî "Pirtûka Ermenî" em diçin "Salona xwendinê".

Dema hûn pirtûkekê bigirin nîv saet dema we heye. Di nîv saetê de hûnê wê/î bixwînin, yanê hûnê pirsên xwe jê bikin, tiştên ku bixwazin hîn bibin jê bipirsin û ew ê bersivê bide we, bike ku haya we bi agahiyên ji nav wê pirtûkê bixe.
Em ji "Pirtûkê Ermenî" dipirsin, "Li ser pirsgirêka ermenan hûn dikarin bersiva her pirsa me bidin?" ew dibêje, "Tiştên ku hûn dixwazin hîn bibin bibêjin, ger ew agahî di pirtûkê me de nivîsandî be em ê bersivê bidin we."
Em armanca Pirtûkxaneya Zindî dipirsin pirtûka me ya ermenî dibêje, "Armanc ew e ku em pêşdaraziyan bişkînin. Pirtûka ku hûn hildibijêrin dê li ser wê meseleyê we ronî bike. Her pirtûk ji nav wê mijarê hatiye, ew mijar jiya ye."

Projeya "Pirtûkxaneya Zindî" bi piştgiriya Weqfa Toplum Gonulluleri ve tê li dar xistin, di festîvalên wisa de li dar dikeve û dike ku civakê ronî bike.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.