Ji Culemêrgê heta Mêrsîn, Erdexan, heta Enqere û Dîlovasiyê pîrozbahiyên Newrozê yên îro pêk hatin:
Li Entab 70 hezar kes hebû
Li Entabê di pîrozbahiya Newrozê bi beşdariya 70 hezar kesî li dar ket. Agirê Newrozê ji aliyê Parlamenterê DTP'ê Îbrahîm Bînîcî, Şarederê Pirsusê Ethem Şahîn, Berendamê Şarederiya Bajarê Mezin ya Dîlokî Oktay Konyar, Serokê Rêxistina DTP'ê ya Bajar Burhanettîn Bulu û Mehmet Ocalan ve hate pêxistin. Piştî axaftinan hunermend Armanc, Brader û Koma Grava Rojê, konser dan.
Her wiha hate gotin ku piştî belavbûna gel, polîsan 4 kes girtine bin çavan.
***
Li Silopiyê 50 hezar li ser piyan bû
Li Navçeya Silopî ya Şirnexê pîrozbahiya Newrozê bi tevlîbûna 50 hezar kesî hate lidarxistin; bi stran û sloganan bi dawî bû.
Dema Koma Zerdeştê Kal û hunermend Talat Şahîn derketin ser dikê coş derket asta herî bilind.
***
Li Enqere û Eskîşehîrê pîrozbahî
Li Enqere û Eskîşehîrê li gel barana zêde bi hezaran kesî bi coşek mezin Newroz pîroz kir. Di pîrozbahiya ku Ocalan mohra xwe lê xist de hate xwestin ku Ocalan mûxatabê pirsgirêka kurd bê dîtin.
***
Li Bursayê Qada Gokdere tije bû
Li Bûrsayê ligel barana zêde li Qada Gokdere a Bûrsayê 7 hezar kes kom bû û bi çoşek mezin Newroz pîroz kir.
***
Li Îdirê 20 hezar kes hebû
Li Îdirê Newroz li Qada Kantara Pancar bi tevlîbûna 20 hezar kesî hate lidarxistin. Jin bi kincên neteweyî tevlî pîrozbahiyên ku polîsan gelek tedbîrên berfireh girtine bûn.
Piştî agirê Newrozê yê ji aliya Parlamenter Sakik û Buldan ve hatiye pêxistin, Namzetê Şaredariya Îdirê yê DTP'ê Mehmet Nurî Guneş, li ser dikê, pêşberî gel çok da erdê û dest bi axivtina xwe kir. Guneş, gul dan gel û diyar kir dê gelê kurd di sala 2009'an de dê azadiya xwe bi dest bixe. Guneş, bang li gel kir ku di hilbijaritnan de bibin yek.
Pîrozbahiya Newrozê piştî axaftinan bi konsera Ozan Canê û hunermend Kemalê Amedê dom kir.
***
80 hezar Culemêrgî bi rengên xwe hebûn
Culemêrgiyên ku ji bo pîrozkirina Cejna Newrozê di saetên sibehê de kincên xwe yên herêmî li xwe kirin, ber bi qada Newrozê ve herikîn. Di pîrozbahiya ku bi tevlêbûna 80 hezar kesan hate lidarxistin de, li qadê hemû rengên aydî kurdan peyda bûn.
***
Li Gimgimê bi hezaran kesî Newrozê pîroz kir
Li Navçeya Gimgima Mûşê li derdora 10 hezar kesî Cejna Newrozê pîroz kir.
***
Li Qovancilarê cara yekem agirê Newrozê geş bû
Li Navçeya Kovancilara Elezîzê cara yekem agire Newrozê bi coşek mezin hate pêxistin. Nêzî 3 hezar kesên li Qada Hikûmetê gihiştin hev, bi coşek mezin Newroz pîroz kirin. Di pîrozbahiyê de ji ber pankartên "Newroz pîroz be" hate vekirin tîpa "W" bûsedema qirîzê. Polîsên ku qatin qada Newrozê xwestin pankartê rakin. Piştî ku girseyê bertekek tund nîşanî polîsan da, polîs dîsa neçar man ji qada pîrozbahiyê dûr bikevin. Piştî axaftinan pîrozbahiyê bi konsera Zinar Sozdar dom kir.
***
Li Patnosê 40 hezar kesî agirê Newrozê vêxist
Di pîrozbahiya Newrozê ya li Kolana Beylerbeyî ya Patnosê hate lidarxistin de 40 hezar kes hatin cem hev.
Parlamenterê DTP'ê Nezîr Karabaş ku hîtabî 40 hezar kesên tevlî pîrozbahiya li Navçeya Patnosê bûn kir, wiha got: "Îro bi mîlyonan kurd li qadan agirê Newrozê vêdixin. Li dora agir govendê dikin û daxwazên xwe yên ji bo aştî, biratî û damokrasiyê tînin ziman. Tu kes nikare ziman, çand û nasnameya gel kurd înkar bike."
***
Li Erdexanê Newroz di bin ablûkaya polîsan de jî hate pîrozkirin
Li Erdexanê ligel astengî û ablûkaya polîsan jî bi hezaran kes li hev kom bû û bi coşek mezin Newroz pîroz kir. Parlementerê DTP'ê yê Amedê Salahattîn Demîrtaş jî beşdari pîrozbahiyê bû.
***
Qada Metropola Mêrsînê yê kurdan bû
Li Qada Metrepol a Mêrsînê bi tevlîbûna 80 hezar kesî agirê Newrozê hate vêxistin.
Bi hezaran kesên bi kincên xwe yên neteweyî tevlî pîrozbahiya Newrozê ya li Qada Metrepol a Mêrsînê hate lidarxistin bûn, dîmenên rengîn pêk anîn.
***
Li Dilovasiyê ligel baranê Newroz bi coşek mezin hate pîrozkirin
Li Navçeya Dîlovasiya Koçaeliyê, ligel barana zêde jî dîsa Newroz bi coşek mezin hate pîrozkirin. Di pîrozbahiyê de Parlementere ODP'ê yê Stenbolê Ûfûk Uras, diyar kir ku kesên Mûsa Anter û Ûgûr Kaymaz qetil kirine, deng ji wan re tune ye.
Li Tesîsa Civakî ya Navçeya Dîlovasiya Koçaeliyê ligel barana zêde bi hezaran kes gihîştin hev û Newroz pîroz kirin.
***
Li Şemzînanê 15 hezar kes ji bo Newrozê civiyan
Li derdora 15 hezar kesên li Navçeya Şemzînana Colemêrgê hatin cem hev, bi coşek mezin agirê Newrozê bilind kirin.
***
Li Qoserê deh hezaran agirê Newrozê bilind kir
Li Navçeya Qosera Mêrdînê bi deh hezaran kes bi coşek mezin pîrozbahiya xwe didomînin.
Parlementerê DTP'ê Hasîp Kaplan di Newroza Qoserê ya deh hezar beşdar bûn de diyar kir ku ew dê exlaqê siyasî û baweriyê hînê AKP'ê bikin û wiha got: "Em dizanin exlaq û azadiyê nîşanî wan bidin. Em maqarnacî nînin, dolapcî nînin. Ew tenê dolaban dizivirînin. Erdogan li Mêrdînê digot 'Bi serê çûkê qeyle çênabe'. Ez jî bi kurdî pêşgotinekê ji wî re bêjim, 'Telîsê sed qul lê heyî pîne nagire'. Li vî welatî ev qas pirsgirêk hene tu dê çawa pîne bikî."
Ji DÎHA'yê hatiye girtin
***
Nûçeyên din ên li ser Newroza 2009'an:
- Li Wanê 300 hezar kes li ser piyan bû
- Şivan Perwer: Emê dev ji azadiya xwe bernedin
.jpg)
