Diyarname
Serokê Klûba Fenerbahçeyê ku îro hat binçavkirin di serdana parêzerê xwe de gomlek, tîşort û pirtûkên siyasî xwest.

Parêzerê Yildirim Rezzen Epozdemir çû emniyetê serdana Aziz Yildirim. Epozdemir di derketina ji emniyetê de bersiva rojnaemgeran da û got ku Serok Yildirim ji vê rewşê ne dilxweş e, der barê wî û hevalên wî de tu şika wî tune ye.

Parêzer Epozdemir wisa got: "Ji ber veşarîbûnê ne mimkûn e ez der barê meseleyê de agahî bidim we. Lêpirsîneke di bin navê şîke û teşwîqê de ye. Ji ber veşarîbûna dosyayê heye em jî zêde ne xwedî agahiyan in."

Parêzerê Yildirim got ku rewşa tenduristiya Yildirim baş e û daxwazên ku Yildirim kiribûn wisa anî ziman: "Hin daxwazên wî hebûn. Ji ber nexweşiya wî ya şekir heye dermanên xwe xwest. Pirtûk, gomlek û tîşort xwest. Dema min pirsî ku pirtûkên çawa dixwazî, xwest ez pirtûkên siyasî jêre bibim."

Epozdemir li ser Yildirim der barê meseleyê de çi dibêje jî ev anî ziman: "Xemgîn Bûye. Tu şika wî der barê wî û hevalên wî de tune ye. Dibêje 'tişteke wisa ne mimkûn e'."

her wiha Wekîlê Serokê Klûba Fenerbahçeyê Nihat Ozdemir û rêveber Semih Ozsoy jî çûn Midûriyeta Emniyetê û agahî girtin.

Foto ji Milliyetê hatiye girtin

***

Nûçeya eleqedar:

- Di Lîga Tirkiyeyê erdheja şîkeyê