Diyarname
Li Hollandayê ji bo Serokomarî tûra yekem a hilbijartinê li dar ket. Li gor encamên ne fermî herî zêde Francois Hollande deng girtine û dû wî Serokomarê niha Sarkozy tê.

Hollande sedî 28.6 deng irtin, Serokomar Nicolas Sarkozy jî sedî 27 deng girtin. Tûra diduyan a ji bo serokomariyê di 6'ê gulanê de dê li dar bikeve Fû 25'emîn Serokomarê Fransayê dê diyar bibe.
Şîrketa lêkolînê Ipsos îdîa dike ku di tûra duyemîn de dê Hollande sedî 54, Sarkozy sedî 46 dengan bigire.

Di tûra yekemîn de surprîz rêbera Eniya Neteweyî ya rastgir Marine Le Pen çêkir ku sedî 19.9 deng girt. Anketan digotin ku Le Pen dê sedî 15 dengan bigire.

Hin agahiyên din ên li ser hilbijartinê:
- Rêberê Tevgera Demokrasiyê Francois Bayrou sedî 8 deng girt. (Le Pen û Bayrou di tûra duyem de dê diyarker bin, ji ber ku ew êdî nekarin beşdarî tûra duyem bibin û dengên wan ji Hollande yan Sarkozy re dê biçin. Ev yek jî dê bandor li tûra duyem bike)

- Ji çepgirên radîkal Jean-Luc Melenchon sedî 11 deng girt.
- Hawirqarêz Eva Jolyy jî sedî 2 deng girt. (Melenchon û Jolyy eşkere kirin ku di tûra duyemîn de dê piştgiriya Hollande bikin.)

- Bi ser sedî 80'ê re kesî deng dane ku ev ji bo Fransayê hejmarek bilind e.
- 10 berendam ji bo serokomariyê ketin pêşbaziyê.
- Li Fransayê 45 mîlyon hilbijêr hene.
- Ji bo serokomarî 5 salan carekê hilbijartin pêk tê.
- Endama Her Demî ya Konseya Ewlekariyê ya NY'ê (Neteweyên Şekbûyî) ye û li Ewropayê di warê aboriya herî mezin de di rêza duyemîn de, li dinyayê jî di rêza pêncemîn de ye.
- Piştî Francois Mitterrand ev sê dem in çepgir li hemberî rastgiran di hilbijartina serokomariyê de têk diçin û nikarin herin Qesra Elysee.

Tê gotin ku berendam Hollande, di warê pirsgirêka kurd û ermenî, yekîtiya jin-mêran û mafê azadiya ramanê de li hemberî Tirkiyeyê xwedî fikir û rexneyan e. Di vî warî de dibe ku gavan bavêje. Hollande dixwaze Tirkiye bibe berendama YE'yê (Yekîtiya Ewropayê) lê berî wê divê şertan bîne cih.
Lê Sankozy naxwaze Tirkiye bibe berendama YE'yê û dij e. Li hemberî PKK'ê Sarkozy digel Tirkiyeyê tevdigere.