Diyarname
Hevserokê BDP'ê Selahattin Demirtaş li Newroza Stenbolê axivî. Vane notên ji axaftina wî:

- Bi hezaran caran Newroza we pîroz be. Hûn ku gelê wî wê welatê ku navê wê hatiye qedexekirin, zimanê wê hatiye qedexe kirin in. We Newroz kir Newroz, we gir giloka agir û gihand îro, we ev der kir qada azadiyê. (Li ser diruşma gel a em bi we serbilind in got) Em bi we serbilind in.
Divê ev peyama Newrozê ya îro baş bê fêmkirin. Ev peyam zimanê çareseriyê ye. Yên ku dibêjin dê çareserî çawa be, fermo ji we re Kazliçeşme.

'Hevdîtina bi Ocalan re rast e'
Ji HEP'ê heta îro me di hemû axaftinên xwe de qala çareserkirina pirsgirêka kurd kir, me got bi muzakereyan çareser dibe. We heta niha bi hezaran caran mîtîng li dar xistin. Bi van em hatin heta îro. Xwedî bêyî bi hezaran zarokên me bimirina em bigihîştina îro. Me serî de got tiştek rast e ku heyeta hikumet piştgiriyê dide bi Ocalan re hevdîtinê pêk bîne.

'Ka herin rojek li Cûdî nobetê bigirin em bibînin'
Hin ji aştiyê aciz dibin, dibêjin 'Herin Qendîlê bikin dûz'. Tu siyasetmedar î, yan tu dozerajoyî? Yên ku wisa dibêjin gelo dikarin herin şevekê li serê Cudî û Gebarê nobetê bigirin? Ka bila herin şevekê nobetê bigirin ka Qendîl dûz dibe yan na. Ji Enqereyê pekandin hêsan e. Hê divê çend hezar mirov bimirin? Divê hê çend sal biborin?
Em dibêjin em dikarin modeleke civakî çêbikin ku her kes têde bi zimanê xwe, nasnameya xwe azad bijî. Çima ji vê aciz dibin em nizanin. Ger em dib3ejin em bi hev re, lê wekhev bijîn û hin aciz dibin bila pêşniyara xwe ya ji vê baştir bikin. Ger pêşniyarê we yên çareseriyê nîn bin, hûş bin.

'Em bi AKP'ê re hevkarî nakin'
Em mafê gelê tê eciqandin, mafê wê ku ji dest hatiye girtin dixwazin. Em mafê kesî ji wan nagirin û nadin kesek din. Bila elewî bi baweriya xwe, kurd bi zimanê xwe bi awayekî azad bijîn. Aştî vaye ev e.
Em piştgirî didin gavên ku ji bo çareseriyê diavêje. Em wekî partiyeke muxalefetê em bi AKP'ê re hevkariya hilbijartinê nakin. Em li hemberî AKP'ê muxalefeta xwe didomînin. Lê di muzakereyan de em piştgiriyê didin maseya muzakereyê.

Silav li Rojava
Rojava pêşeroja xwe roj bi roj saz dike. EW ne birêxistinîbana dê têk biçûna. Pêvajoya Rojava nîşanî me dide ku gelekî bi rêxistin be dikare çi bike. Ji vê derê em silavê dişînin Rojava, ciwanên wir, jinên wir, şoreşgerên wir. Em Newroza wan jî pîroz dikin.
Dîsa em Newroza hevalên me yên girtî jî pîroz dikin, dibêjin ku saleke din emê li vê derê bi hev re Newrozê pîroz bikin.

Onder: Bila aştiya we pîroz be

Di Newroza Stenbolê de Seroka BDP'a Stenbolê Asiye Kolçak û Mebûsa  BDP'ê ya Stenbolê Sebahat Tuncel jî axivîn. Her wiha Mebûsê BDP'ê Sirri Sureyya Onder ku demek berê hem çûbû Girava îmralî hem çûbû Qendîlê li ser navê HDK'ê (Kongreya Demokratîk a Gelan) axivî.
Onder pêşî bi kurdî silav li gel kir û bi tirkî axaftina xwe dom kir:
- Min silavên Ocalan û hevrêyên wî ji we re anîn. Pêvajojeyeke nû dest pê dike. Ev pêvajo di serî de berhema gelê kurd, berhema lazan, çerkesan, ya hemû gelan, ya hemû kedkaran e. Bila aştiya we pîroz be. Hevrêno, em salek berê jî ji bo aştiyê hatin vê qadê lê nehiştin. Wê rojê me got aştî, em îro jî dibêjin aştî, sibê jî emê bibêjin aştî. Çi bû, vaye em dîsa ketin vê qadê, aştiya we pîroz be.

***

Nûçeya eleqedar:

- Newroza Stenbolê silav li Rojava kir