Enqere
Serokomar Abdullah Gul, cezaya Serokê berê yê RP'ê Necmettin Erbakan betal kir û efû kir.

Erbakan di doza 7 trîlyon pereyên winda de bi "di ewraqên taybet de sextekarî kiriye" hatibû darizandin û ceza xwaribû. Hikumeta AK Partî ev ceza bi madeyeke ku nû derxist veguhestibû cezaya derneketina ji mal. Li gor xalê Erbakan dê li mala xwe ev cezaya 2 sal û 4 meh bikişanda.
Îro Serokomar Abdullah Gul li ser nebaşbûna rewşa tenduristiya Erbakan cezaya wî efû kir.
Erbakan ji 25'ê gulana 2008'an ve li havîngeha xwe ya li Altinolukê bû.
Tê gotin ku di 22'yê vê mehê de piştî nimêja înê dê Erbakan derkeve pêşberî çapemeniyê û daxuyaniyeke bide.