Diyarname

Rojnameya TARAF'ê li ser hilbijartina herêmî ya 30'yê adara 2014'an îdîayên mezin weşand.

TARAF'ê îro nûçeyek bi sernavê "Seçimi Boyle Kazandik" (Em di hilbijartinê de wisa bi ser ketin) weşand. Ji bo vê nûçeyê bi peywirdarek ji Navenda Kordînasyona Hilbijartinê ya AKP'ê re xeber dane. 

Li gor rojnameyê ji ber ewlehiya canê xwe wî kesî navê xwe eşkere nekirey, lê ew di nav koma Cîgerê Serokê Giştî yê AKP'ê Suleyman Soylu de bûye. Piştî hilbijartinê ji ber hin xirecirên ligel Soylu, ew şandine nava beşek din. 

Vane îdîayên wî AKP'yî ku çawa di hilbijartinê de bi ser ketine:

1- Serê pêşî me ligel şîrketên anketan ên ku peymana me bi wan re heye dengên xwe her bilindtir nîşan dan. Ji bo em bibêjin jixwe em li benda dengên wisa bû me civak wisa amade kir.

2- Serokên sindoqan (berpirsên sindoqên hilbijartinê) nêzî kîjan fikrî ne, têkiliyên wan, aliyên wan ên mawaz kîjan e me diyar kirin. Me navên ku nêzî AKP'ê ne wekî berpirs ji bo Serokatiya Lijneya Hilbjartinê ya Navçeyan peywirdar kirin.

3- Dema ji navçeyê ber bi navendê ve deng dihatin şandin me 'xeta' dikir û partiyên ku li pêş AKP'ê bana me dengên wan kêm nîşan didan. Ger nerazîbûn çêba me digot "Biborin".

4- Me gotin 'AKP'ê bi dengên mezin hilbijartin bi dest xistiye' belav kirin û bi vî awayî me kir ku peywirdarên partiyên din ji ser sindoqan herin. Ger cihên me dît yên ber xwe didin hebûn, li wir jî bi tevlihevyî me dor sindoqan vala kirin.

5- Me gelek kontur ji bo serokên sindoqan şandin û me kir ku ew bi Navenda Kordînasyonê ya Hilbijartinê re têkilî deynin.

6- Me bi hilbjêrên xeyalî (hilbijêrîn ku di rastiya xwe de nîn in) deng dan bikaranîn. Li mal an cihê kar ê AKP'yiyek me navê bi dehan hilbijêrî nivîsand. Li hin mala kesên ne hilbijêrên AKP'ê ne jî me nav nivîsandin. Yên ku ev yek ferq kirin feryad kirin lê ev deng bes nehat bihîstin. Di vî warî de ew qas zêde tişt hatin kirin, mînak Şaredariyên Bajarên Mezin li navçeyan hin avahiyê xeyalî lê kirin û ew der wekî navnîşana hilbijêran hat nîşandayîn. Gelek dengên mukerrer (ji carek zêdetir dengdayîn) bikar anîn.