Diyarname
Mebûsa BDP'ê ya Sêrtê û Hevseroka BDP'ê Gulten Kişanak got: "6 mebûsên me girtî ne. 370 hezar kes çûn cem sindoqê û deng bikar anîn. Ak Partî ku hurmetê nîşanî vîna gel nade, li hemberî zagona ku biguhere û mebûs serbest bêne berdan wisa dibêje 'ger mebûs derkevin, dê diz jî, çete jî derên'. Lê jixwe li Meclisê çete û diz hene. Naxwazin nûnerên vî gelî bixin meclisê. Em jî dibêjin 'Ji meclisê îhale û çeteyan derxin'. Roj dê bê emê hesabê ji diz û tefeciyan bipirsin. Di salên 90'î de 17 hezar kuştinên kiryar nediyar pêk hatin. Van rojan tê gotin ku lîsteyeke teslîmê MGK'ê kirine. Yên ku ji sibê heta êvarê qala Ergenekonê dikin çima wê lîsteya kuştinan nabînin. Serokwezîr tu li ku yî? Tu û serokomar hûn serokatiya MGK'ê dikin. Vekin dosyayên MGK'ê. Hê hûn ditirsin ji Mehmet Agar û Tansu Çillerê hesabê bipirsin."
(14.12.2011, Mîtînga Batmanê)