Serokê Amed Sporê: Serokê TFF'ê telefona xwe girtibû

Serokê Amed Sporê Selahattin Yildirim piştî maçê bi ser hesabê xwe re ragihand, "Ji duh de wehşîtiya ku hatiye kirin, êrîş, bêyî pêşîlêgirtina van tiştan, girtîbûna telefona Serêko TFF'ê, ligel ku bêyî li benda mirina kesek bisekine hakêmê ku divê maç betal bikira, li hemberî van tiştan hemûyan; şêrên me, teknik dîrektor û rêveberên me yên bê tirs derketine sehayê û têkoşiya ne, ez wan pîroz dikim."

ÎHD û DKKDP'ê banga lêpirsînê kir

Komeleya Mafên Mirovan (ÎHD) a Amedê û DKKDP'ê (Platforma Piştgirî û Parastina Bajêr a Amedê) li ser êrîşên li Bursayê yên li hemberî Amed Sporê banga destpêkirina lêpirsînê kir.

Her du saziyan got ku bi awayekî organîze êrîşên nijadperest û fîzîkî hatine kirin û xwest rayedar lêpirsîneke cidî bidin dest pê kirin.

Mebûsê CHP'ê yê Bursayê bang li TTF'ê kir

Mebûsê CHP'ê yê Bursayê Orhhan Saribal êrîşa nijadperestan a li hemberî Amed Sporê şermezar kir û got, "Di hevdîtina me de ligel hemû hişyariyên me jî gotin 'Pirsgirêk tune ye'. Ez bang li van rayedarên ku wisa gotin dikim, bang li hikumeta ku li hemberî diruşmên temaşevanên maçên din her tişt kiribû dikim, bang li walî û emniyeta ku divê ewlehiya tîma mêvan bigirta dikim. Di van rojên bi êş ku em tê re derbas dibin, li bajarê bira Bursa ku ji 80 bajaran hemwelatiyên me lêne, ez bûyerên di maça Bursa û Amedsporê de derketine şermezar dikin. Bursa van tiştan heq nake. Ez bang li Federasyona Futbolê ya Tirkiyeyê dikim ku peywira xwe bîne cih." 

HDP'ê li ser maça Amed û Bursayê daxuyanî da

HDP'ê piştî maçê daxuyaniya nivîskî belav kir û got, "Li Bursayê em êrîşê nijadperest ên li dijî Amed Sporê şermezar dikin. Atmosfera ku rihê qatilên salên 90'î, bermayiyên JÎTEM'ê ne dê bikaribe pêşî li Amed Sporê bigire, ne jî dê bikaribe hêviya aştiyê xilas bike. Di çarçoveya hiqûqê de berpirsên vê yeKê divê bêne darizandin. Em mîlyonan in ku li hemberî faşîzmê serî natewînin."

Li aliyê din Wezîrê Karên Hundir ê Tirkiyeyê Suleyman Soylu bi twitek got ku li ser bûyerên ku di maçê de qewimîne lêpirsîn dane dest pê kirin.

16.45 

Hesabê Fermî yê Amedsporê: Piştî maçê êrîşê lîstikvanên me kirin
Hesabê fermî yê Amed Sporê wisa ragihand, "Piştî mazç xilas bû li korîdorê Midûrê Ewlehiya Tayset a Bursasporê, xebatkarên klûb3e û peywirdarên ewlehiyê êrîşa fîzîkî li hemberî lîstikvanên me pêk anî." Ligel vê notê wêne jî hatin belavkirin.

Amed Sporê 2-1 winda kir

Nivîka yekemîn bi 1-0 bi dawî bûbû. Di nîveka duyemîn deqe 81 de ji Bursayê Enver Çenk Şahin tîma xwe bi 2-0 derxist pêş. Amed Sporê deqe 89 de bi Mehmet Gurkan Ozturk bersiv da lê têrê nekir. 
Bi vê encamê Amed Spor bi 41pûanan daket rêza 3'yemîn. Çorum spor ku li hemberî Batman Petrol Sporê li Batmanê bi ser ket bi 44 pûanan bû yekemîn.   
Di temamê maçê de temaşevanên Bursa Sporê her tişt avêtin nav sehayê. Fotoyê li jêr her tiştî xwe nîşan dide. Li aliyê din fotoyên kujerên kurdan hatin vekirin.Kêr hatin avêtin. Şûşeyên avê jixwe ne hewceyê gotiyê ye. Li ser vê TFF (Federasyona Futbolê ya Tirkiyeyê) dê çi ceza bide, yan nede di rojên pêş de dê diyar bibe.Çend notên din: Piştî lîstikvanên Bursayê gol avêtin çûn ber temaşevanên silavên leşkerî dan.
Piştî maçê dîsa êrîşê lîstikvanên Amed Sporê kirin.

Li Bursayê maç di rewşeke bi vî rengî de hat lîstin...
 

15.00
Nivîska yekemîn Bursayê bi 1-0 bi serketin bi dawî kir. 

14.33

Çagatay Yilmaz deqe 28'an de li ser navê Bursayê gol avêt: 1-0 

14.25

Deqe 13, Amed sporê korner bikar dianî, vê carê av û dew bi ser lîstikvanê Amedê de avêtin. Polîsan bi mertalan ew parast.
Maç bi vî awayî didome...

Saet 14.20

Deqe 10, Amed sporê korner bikar dianî, lê li wir jî temaşevanên Bursayê tiştin avêtin nav sehayê. J iber îtîrazê hakêm qertê zer nîşanî Mansur Çalar ê Amed Sporê da.

14.08.
Maçê bi derengî dest pê kir... Ji aliyê pişt kelehê ku kelevanên Amed SPorê lê ye her tişt têne avêtin..

14.00

Lîstikvan ketin sehaye. Berî ku maç dest pê bike, temaşevanan meşale avêtin sehayê. Qeleparêzê Amed Sporê Cantug Temel gilî li cem hakêm kir. 

13.10

Vê kêliyê (Saet dor 13.00'an) ku lîstikvanên Amed Sporê dema ji bo xwegermkirina maçê derdiketin sehayê, hin lîstikvan û temaşevanên Bursayê êrîşê wan kirin. Amed Sporê bi ser hesabê xwe re ev êrîşa niha belav kir. Bûyer didomin.
Duh êvarê jî êrîş kiribûn...
Temaşevanên Bursayê gelek tişt avêtin sehayê...
***

Tîma fûtbolê Amed Sporê ji bo lîstina maça ligel Bursayê duh çû vî bajarî. Komek faşîstên ku hîn bûne lîstikvanên Amed Sporê li kîjan otelê dimînin çûne ber otelê û diruşmên "Ne mutlu Turkum diyene" (Çi serbilindiye mirov bêje ez tirk im) diruşmên bi vî rengî bilind kirine. Ev dîmenên û dîmenên diruşm û êrîşa temaşevanên Bursa Sporê li tora civakî hatin belavkirin.

Amed Spor û Bursa Spor di Lîga Duyemîn Koma Spî de dilîzin. Di çarçoveya maçên vê hefteyê de saet 14'an de li Stada Bursayê dê bi hev re bilîzin.

Di Lîgê de Amed Sporê bi avaraj di rêza yekemîn de ye, Bursa di rêza 15'an de ye. Amed Spor ji bo yekemîniya xwe bidomîne miheqeq divê bi ser bikeve.

...agahiyên nû bên emê lê zêde bikin...