Ruşen Çakır

Ji bo hilbijartina giştî ya 7'ê pûşperê nêzî 3 mehan ma. Pirs her yek e: HDP dê bendava sedî 10 derbas bike? Berê min bi vî awayî bersiva vê pirsa didan: "Îhtîmala derbaskirinê ji derbasnekirinê zêdetir e." Ev demekê ye ez wisa dibersivînim: "Derbaskirina wê êdî pir hêsantir e." Ez bêm ser çima ez wisa difikirim:

Herkes êrîşê HDP'ê dike: 

Di hedefê AKP, CHP û MHP'ê de her HDP heye. Ev her sê partî reqîbên xwe yên din bi awayekî eşkere an jî veşarî lihevkirina bi reqîbên xwe de sûcdar dikin. Di dawiyê de encameke wisa derdikeve holê: AKP+CHP+MHP = Persala siyasî. HDP jî li hemberî vê pergalê tekane hêza cidî. Lewre HDP wekî Partiya Refahê (RP) ya destpêka salên 1990'î di hedefê de ye û dîsa wekî duh RP'ê kir, ji vê yekê sûdeyeke mezin digire.

Nîqaşa pergala Serokdewletî:

Demekê teoriyên komplo yên wekî HDP ligel ku dizane dê bendavê derbas neke jî ji bo hêza Erdogan xurtir bikin wekî partî dikeve hilbijartinê. Ji ber ku wekî delîl diyar e HDP nêzî derbaskirina bendavê ye êdî qala vê yekê nayê kirin. Li aliyê din Serokomar Erdogan lez kir û rojava 7'ê pûşperê veguhart kir pergala serokdewletî. Lê ev rewş piştî kêliyekê guherî û şiklê ku bi kêrî HDP'ê tê girt. Mînak kesên ku eleqeya wan ji bo HDP'ê nîn e jî ji ber vî fikrî dibe ku deng bidin HDP'ê: Ger HDP bendavê derbas neke AKP dê zêdetir bigihîje siûda bidestxistina serokdewletî, lê HDP bendavê derbas bike dê jê dûr bimîne."

Her wiha ne CHP, ne jî MHP sozê dide ku dê AKP'ê ji desthilatdariyê daxe. Lê hedefa HDP'ê meqûl e û dikare xwe bigihîne: Sedî 10 derbas bike û bi awayekî xurt bikeve meclisê. Loma hin kesên "Bila CHP yan MHP çend pûan kêm bin..." deng bidin HDP'ê.

Faktora Demîrtaş:

Hevserok Selahattin Demîrtaş di hilbijartina Serokomariyê de 9.8 deng girt. Wisa dixuye ku ji ber vê yekê HDP dê kampanyaya xwe ya hilbijartinê dîsa bi ser Demîrtaş re bimeşîne. Erdogan, Davutoglu, Arinç û rojnaemgerên alîgirên hikumetê heta ji wan tê êrîşê Demîrtaşî dikin. Ev yek jî nîşan dide ku hilbijartina kampanyaya bi ser Demîrtaş re stratejiyeke rast e. Li aliyê din desthilatdariya siyasî dixwaze li nav Tevgera Siyasî ya Kurdan (TSK) Demîrtaşî bêbandor bike lê ev yek encamê nade, berevajî vê yekê bandorê derdixe holê. Di vê navberê de ez vê notê jî lê zêde bikim: Li hemberî nêzîktêdayîna hikumetê ya "Demîrtaş xirab e, derdor baş e" nêzîktêdayîna "Demîrtaş baş e, derdor xirab e" heye. Her du aliyên dijber jî yan hevkêşeyên li nav TSK'ê fêm nakin yan jî li gor daxwaza xwe şirove dikin.

Ber bi navendê ve meşa kurdan:

Roja şemiyê ez li Amedê bûm. Beşik li nav wan hê jî yên ku tirsa dê bendavê derbas nekin hene, lê hilbijartina 7'ê pûşberê li nav kurdan heyecareke din xistiye nava kurdên ku piştgirî didin HDP'ê û bûye sedema dînamîzmê. Bixwebawerî û nermbûn, aramî ligel vê heyecan û dînamîzmê çebûye, Mîlîtanbûna TSK'ê ber bi paş ve hatiye hiştin ku teqez bandora pêvajoya çareseriyê di vê de heye. (Em ji bîr nekin ku daxuyaniya Dolmabahçeyê berî hilbijartinê bandora dopîngê ji bo HDP'ê kiriye) Lê ya herî girîng kurd hay jê hene ku pergal êdî nikare zêde wan bi dûr bixe, derve bihêle. Di vê hêlê de hilbijartina 7'ê pûşperê ji bo vê wekî pêngavek dibînin û bi awayekî bidîsîplîn dixebitin.

Bihara kurdan:

Berevajî aramiya li welat ji gelek nêz ve şerê li Iraq û Sûriyê ya li dijî DAIŞ'ê tê şopandin. Big iştî kurd, bi taybetî tevgera PKK/KCK'ê û helbet Abdullah Ocalan ku bûne aktorên pêşîn ên herêmê dê miheqeq bandorê li hilbijartina 7'ê pûşherê jî bikin. Em dikarin bibêjin ku bi taybetî serketina li Kobanî di hilbijartinê de dê koza herî girîng a HDP'ê be. AKP jî ger tenê ji ber Kobanî wekî berê ji kurdan dengan negire dê ev yek ne xalek şaşwaz be.

09.03.2015, Haberturk

Werger: Cemil Oguz