Di daxuyaniyê de hate gotin ku ew wekî heqaret dibînin ku Cîgirê Serokwezîr Bulent Arinç li hember Perwerdehiya kurdî derdikeve û dibêje zimanê kurdî ne zimanê şaristaniyê ye.

Nûbiharê di daxuyaniyê de gotiye ku kurd xwe li Rojhilata Navîn yek ji xelkê herî kevnar e û bi nifûsa miletê çarem e û wiha dom kiriye: "Di jiyana civakî de yek ji heqên bingehîn heqê bikaranîna zimanê dayikê ye. Qedexekirina zimanekî, hem însanî nîn e hem jî ne li gor dînê Îslamê ye ku Bulent Arinç jî mensûbê wî ye. Kurdiya ku di malbata Hind-Ewrûpayê de cih digre biqasî ku tu kes texmîn nake dewlemend e. Ew kesên ku di vî welatî de dijin û li ser kurdan ji bilî îdîayên resmî tişteke din nizanin nikarin agahiyeke rast bidin û ew agahiyên bidin jî ji tiştekî baş re xizmetê nakin. Ji sala 1992'yan vir de heta niha me wekî kovar û weşanxana Nûbiharê bi zimanê kurdî bi hezaran cild weşan kiriye. Em hikumetê dawet dikin ku li hember perwerdehiya Kurdî astengan rake, dev ji heqaretên xwe berde û bi edaletê hereket bike."