Diyarname
Federasyona 78'an a Şoreşger pêşangeha "Ji Qawîşa Jinan a Zindana Mamakê, Piştî 26 Salan Nameyên ku li Xwediyên Xwe Digerin" li BEKSAV'ê hate vekirin. Pêşangeha ku ji nameyên jinên girtî pêk tê heta 15'ê mehê li dar e.

Welatekî bifikirin, mirov têne binçavkirin, hin têne windakirin, hin sax dimînin lê ew dema çaven xwe vedikin xwe dibînin ku li girtîgehê ne, di nav dîwarên sar de ne. Ewên ku di nav dîwarên sar de mane bi her zehmetiyê re rû bi rû dimînin, lê dem tê destûr didin wan ku ji bo hezkiriyên xwe yên li derve nameyê binivîsin û bişînin. Dest bi nivîsandina nameyan dikin didin peywirdarên girtîgehê lê ew desteser dikin û naşînin wan nameyan. Bi ser re sal derbas dibin. Tam 26 sal paşê peywirdarekî girtîgehê, wijdanê wî zor dide wî û ew nameyên ku wê demê derteser kirine tîne li Enqereyê teslîmê Komeleya Lêkolîn û Piştgiriya 78'an dike. Û ew nameyên ku di wê girtîgeha dîwar sar de, di girtîgeha Mamakê de hatine nivîsîn niha di pêşangehekê de derketin pêşberî temaşevanan. Pêşangeha Nameyên li Xwediyên Xwe Digerin heta 15'ê mehê li Stenbolê, li BEKSAV'ê li dar e.

Di vekirina pêşangehê de Seroka Ada-Der a 78'an Mine Nazari got ku emê derbe û hewlanên mîlîtarîst ku di dîrokê de lekeyeke qirêj in qet ji bîr nekin û nedin ji bîr kirin; ji ber ku jibîrkirin îxanet e.

Pêşangeh di heman demê de li Edeneyê li Odeya Muhendizan jî vebû û li Antalyayê jî li Salona Pêşangehê ya Parka Aydin Kanza ya Antalyayê de jî 8'ê mehê dê vebe.

Federasyona 78'an a Şoreşger di heman demê de ev name wekî pirtûk jî çap kir. Kesên ku bixwazin dikarin ji navend û şaxên komeleyê bikirin.