ŞIRNEX (DÎHA) 

Li Cizîrê rapora encama lêpirsîna balîstîkê a Umît Kurt ku di 6'ê meha yekemîn a îsal de li taxa Cudî ji aliyê polisan ve hatibû qetilkirin hat eşkerekirin. Di raporê tê gotin ku li ser bedena Kurt rastî şopa bikaranîna çek û barûtê nehatine û bi raporê re îfadeya polîsan a "Ji ber kesek çek bera me dida me ew kuşt" derew derxist. 

Li navçeya Cizîrê ya Şirnexê di 6'ê rêbendana 2015'an de piştî girtina xendekan wesayîtên zirxî yên polîsan ketibûn taxa Cudî û li wir zarokê bi navê Umît Kurt qetil kiribûn û Çelebî Sakçak jî birîndar kiribûn. Serdozgeriya Komarê ya Cizîrê der barê bûyerê de lêpirsîn dabû destpêkirin û di encama lêpirsînê de îfadeyên polîsên di wesayîta zirxî de û yên malbata Umît Kurt girtibûn. Polîsên di wesayîta zirxî de îdîa kiribûn ku Umît Kurt gule bera wan daye, lewma wan ji bo xwe parastina xwe ew kuştine. Berevajî vê îfadeyê malbat û parêzerên Kurt diyar kirin ku li taxa Cudî karê boyaxê dikir, tu têkiliya wî bi şer an jî pevçûnan re çênebûye. Dozgeriyê piştî îfade standin li ser bedena Kurt û Sakçak mînak standibûn û cilên wan ji bo lêpirsina balîstîkê ji Miduriyeta Laboratuvara Polîsan a Krîmînalê ya Enqereyê re şandibûn. 

'Di mesafeyek kurt de şopa barût û çek bi kar aniye tune ye'

Di encama rapora lêpirsînê de derket holê ku di beden û cilên Kurt û Çelebî de şopa barûtê tune ye. Di raporê de tê gotin ku di bedena Kurt û Sakçak de şopa çek bi kar anîne tune ye û di raporê de ev tişt hatine rêzkirin: "Svapên nava lep û pişta destên rast û çepê yên aîdê Çelî Sakçak, svapên milên rast û çep û svapên eniya wî hatiye girtin. Svapên nava lep û pişta destên rast û çepê yên aîdê Umît Kurt û svapên rûyê wî. Du numuneyên bi armanca kontrolkirina bandên ji bo svapên bi kar bînin. Qazaxeke swît, qazaxê pembû, kincê ji bo parastina baranê û atletê aîdê Umît Kurt. Pantorê şîn û pardosuyê aîdê Çelî Sakçak. Di encamê de di svapan de şopa guleberdanê nehatiye dîtin. Di numuneyên bantê de rastî berdana guleyan nehatiye. Di tiştên aîdî Umît Kurt de, li dora kuna nêzî mil û aliyên nêzî devê kincê ji bo parastina baranê bi zedeyî berdan tespît bûye, li gorî belavbûna ev zêdeyan ev berdan ji mesafeyek dûr hatiye kirin. Dîsa di kuna nêzî mil ê qezaxê de zêdeyên berdanê hatiye tespîtkirin, li gorî belavbûnê ev berdan ji dûr ve hatiye kirin. Dîsa li dora kuna pardesuya aîdî Çelîk Sakçak de zêdeyên berdanê hatiye tespîtkirin, li gorî belavbûnê ev zêdeyî ji dûr ve hatiye kirin. Heke kesek çekê bi kar bîne şopa barût û çekê di beden û cilên wî de dimîne. Di lêpirsîna Kurt û Sakçak de xuya dike ku kêm barûta li ser laşê wan ji dûr ve hatiye dîtin. An ku ji bilî barûta guleyan ketiye laşê wan tu şopên bikaranîna çek û barûtê nehatiye dîtin."

'Kesek wextê çek bi kar tîne şopa çek û barûtê dimine laşê wî'

Parêzera malbata Kurt Filîz Olmez da zanîn ku encama raporê îfadeyên polîsan derew derxistiye û bal kişand ser naqokiyên îfadeya polîsan. Olmez destnîşan kir ku polîs dibêjin "Guleyek berdan wesayîta zirxî lewma me ew kes kuşt û ew kesê me kuştî Umît Kurt e." Olmez diyar ku Kurt ji ber karê boyaxê li wir bû û tu têkiliya wî bi gule berdanê re nîne û wiha axivi: "Lêpirsîna balîstîkê jî eşkera dike ku Kurt çek bi kar neaniye. Kesek wextê çekê bi kar tîne şopa çekê û barûtê li ser bedena wî dimîne. Lê encama rapora Kurt diyar dike ku wî çek bi kar ne aniye."