Cemil Oguz

8'emîn Rojên Belgefîlman a Stenbolê ku 13'yê mehê dest pê kiribû bi dayîna xelatan bi dawî bû. Em jî hin notên xwe pêşkêş dikin.

Komek dilxwazên belgefîlman di bin rêveberiya Emel Çelebî û Necatî Sonmez de ev 8 sal in Rojên Belgeîlman a Stenbolê Documentaristê li dar dixin. Îsal li Tirkiye û ji derveyî Tirkiyeyê bi giştî li dor 90 belgefîlmî hebûn ku derketin pêşberî temaşevanan. Vane hin notên min ên li ser Documentarista îsal:

- Documentarist ku her sal temaşevanên wê zêde dibin îsal jî rastî eleqeyek baş hat. Îstatîstîka çend hezar kes bi giştî tên li belgefîlman temaşe dikin nîn e lê her sal diyar e ku hejmara temaşevanan zêde dibe.

- Ji belgefîlma herî zêde belgefîlmê Ertugrul Mavioglu û Çayan Demirel "Bakur" eleqe dît. 'Bakur'ê ku rastî sansura Wezareta Çandê hatibû di çarçoveya Documentaristê de li Şişli Kultur Merkezî hat nîşandayîn. Salona ku cihê 500 kesî lê ye, li ser piyan jî mirov hebûn û hema bibêje li ser piyan jî cih nemabû. Mebûsa HDP'ê Pervin Buldan jî di nav de gelek HDP'yî jî di nav temaşevanan de bûn.

- Di nav belgefîlman de herî zêde jî belgefîlmên ji Tirkiyeyê temaşevan ber bi xwe ve kişandin. Ev belgefîlmên ku li Salt Beyoglu bê pere dihatin nîşandayîn hema bibêje salon her tije bû. Di nav van de jî belgefîlmê Veysi Altay "Nû jîn, nû jin" ku li ser şervanekî YPJ'ê ya li Kobanî ber xwe dide bû zêdetir bal kişand ku temaşevanên gelek bûn.

- Gelek belgefîlmên serketî hebûn lê bi ya min "Mîlyonek Gav", "Ez ji kûçikan neftek dikim", "Bihara Naziha" hin ji van belgefîlman bûn ku derketin pêş.

- Ji nav belgefîlmên derhêner kurd "Şilfîtazî" (Derhêner Zekeriya Aydogan) bi mijara xwe balkêş, bi kişandina xwe serketî bû.

- Di çarçoveya Documentarîstê de du xelat têne dayîn. "Xelata Jîrekiya Nû" ku li ser navê Johan Van Der Keuken tê dayîn bi belgefîlmê "Kolonî" dan derhêner Gurcan Keltek.

Xelata FIPRESCİ jî bi belgefîlmê "Motor: Çanda Kopyayê & Sînemaya Tirk" dan derhêner Cem Kaya. Belgefîlmê "Bedeviyên Avê" yê Omer Guneş jî bi Xelata Mansiyonê hat xelatkirin.

- Dersên sînemayê, çalakiyên din Documentarist dewlemendtir kirin.

**

 Nûçeyên eleqedar:

- Mînakek ji têkoşînê; 'Bihara Nazîha' 

- 'Şilfîtazî' yan jî bûyîn û mirin! 

- Şahiya belgefîlman 'Documentarist' dest pê kir

- Dem dema belgefîlman e!

- Documentarist li benda belgefîlman e