WASHINGTON

Kulûba Çapemeniyê ya Netewî ya li DYA'yê, xelata John Aubuchon a her sal dide, îsal hêjayî nûçegîhana ANF'ê Zeynep Kûray dît.

Di merasîma li Washingtonê de, ji ber xebatên li qada çapemeniya azad, xelat dan Kuray. Seroka Saziyê Angela Greiling Keane di axaftina xwe ya li vê derê de destnîşan kir ku tu rojnameger ji ber xebatên xwe yên çapemeniyê, nabe bên girtin û li girtîgehê bên ragirtin.

Kuray ku ji doza çapemeniyê ya KCK'ê tê darizandin û ji ber vê qedexeya derketina derveyî Tirkiyeyê li ser heye, nikarî here DYA'yê lê bi telefonê bi wan re axivî. Kuray diyar kir ku ew vê xelatê li ser navê hemû hempîşeyên xwe yên ji ber doza KCK û dozên din girtîne, qebûl dike.

Di nûçeya li ser mijarê ya li malpera Washington Postê de, bal hat kişandin ser dema dayina vê xelatê û destnîşan kir ku dayîna xelatê ji bo Kuray di demeke ku Serokwezîrê Tirkiyeyê Recep Tayyip Erodgan nêzîkatiya çapemeniyê rexne dikir, pêk hatiye.

Di nûçeyê de her wiha hat gotin  ku li Tİrkiyê ji meha pûşperê ve destpêkirina xwepêşandanên Parka Geziyê û vir ve nêzî 80 rojnameger yan ji kar hatine derxistin yan jî neçarî îstifayê hatine hiştin.