Amed
Forma Civakî ya Mezopotamyayê (FCM) li Amedê bi daxuyaniyekê damezrandina xwe îlan kir.
Osman Konal beyanameya FCM'ê xwend, diyar kir ku rêxistinbûnî û azadî mafê herî bingehîn e û bang li hemû kesan kir ku beşdarî Forma Civakî ya Mezopotamyayê bibin.

MSF bi tevlêbûna 170 rêxistinên civakî yên sivîl, li Qada Gilgamiş a Sumerparkê beyanameya sazkirina xwe aşkere kir.
Mebûsên DTP'ê yên Amedê Selahattîn Demîrtaş, Gultan Kişanak, Şaredarê Bajarê Mezin ê Amedê Osman Baydemîr, şaredarên navçeyan, rêveberên ÎHD û Egîtîm-Senê jî di nav de gelek kes beşdarî daxuyaniyê bûn.
Li qadê dovîzên wekî 'Ji asîmîlasyonê re na', 'Ciwan Hêza Mezopotamyayê ne', 'Bila bê edaletiya di belavkirina dahatinê de bi dawî bibe', 'Bila şer bi dawî bibe', 'Ne ji şer re ji aştiyê re butçeyê veqetînin' hatin vekirin.

Endama Navenda Pêşxistina Civaka Sivîl Esra Yilkim, destnîşan kir ku çend meh berê bi rêxistinên civakî yen sivîl, sendîka, rêveberiyên herêmî re hatine cem hev û hewl dane Forma Civakî ya Mezopotamyayê saz bikin. Yilkim, got ku ew hewl didin li ser pirsgirêkên Rojhilata Navîn gavan bavêjin