Diyarname

Di 80 salan de mohra xwe li sînemayê da, bi dehan fîlmên serketî pêşkêş kir û paşê rawestiya. Niha careke din derdikeve sir dika sînemayê.

Em qala studyoya fîlman a Rusyayê "Mosfîlm" dikin. Di sala 1920'î, di dema desthiltadariya Bolşevîkan de Mosfîlm hat avakirin. Mosfilm studyaya herî mezin a Rusyayê, di heman demê de ya herî mezin a Ewropayê bû. Ji derHênerên navdar Tarkovski heta Eisenstein gelek derhênerî têde gelek fîlmên navdar kişandin. Ji "Keştiya Potemkin" (1925) heta "Zarokên Îvan" (1962), ji "Adrey Rublev" (1966) heta "Birayên Karamazov" (1969), "Çaykovskî" (1971) bi giştî heta Yekîtiya Sovyetê belav bû gelek fîlm hatin kişandin û gelekan jê di festîvalên navdar de xelat girtin. Dema Yekîtiya Sovyetê belav bû 2 hezar û 500 kes li vir dixebitiyan û ji wê rojê de Mosfîlm êdî ber bi paş ve çû. Mosfîlm ku navenda wê li Moskovayê ye tam têk neçû, lê wekî berê êdî hukmek wê ya mezin nîn bû.

Niha Mosfîlm dê careke din derkeve pêş, ji ber ku Hikumeta Rusyayê biryar da ku Mosfîlm careke din rabe ser piyan. Ji bo vê yekê hikumetê pakêtek alîkariyê ji bo Mosfîlmê amade kir. Kirill Androsov ku di dema serokwezîriya Vladimir Putin de wezîr bû ku niha koma Capital Altera bi rê ve dibe dê razemenî bide şîrketê. Altera Park ku girêdayî Kirill Androsov e dê bi vî karî re eleqedar bibe.

Altera Park mîlyarek dolar pere radizîne Mosfilm ku di salên 90'î de êdî hatibû asta têkçûnê. Ev şîrket niha dê du studyoyên nû, embarek kincan, salonek sînemayê û salonek konseran ava bike. Ev razemenî di sala 2018'an de dê tema bibe.

Van demên dawî li Rusyayê zêdetir fîlmên Hollywoodê dihatin nîşandayîn. Tê gotin ku hikumetê ji ber vê yekê dest bi hewldanek wisa kiriye. Van salên dawî li Rusyayê hewldanek ji bo sînemayê heye. Îsal Wezareta Çandê jî ji bo piştgiriya sînemayê lîsteya piştgiriya fîlman weşandibû. Di lîsteyê de fîlmên li ser nirxên malbatê û şerê Qirimê hebûn.