Diyarname
Pirtûka “Stranên Folklorîk ên Botanê -2” ku 68 stranan di nava xwe de dihebîne tv CD'yê li ber destên we ye. Stranên ku li ser evîn û dildarî, dîrok, rewşa çandî û civakî ne muzîka wan ji aliyê Kawa Feqêzade ve hatine amadekirin; pirtûk wekî xebata Enstîtuya Kelepora Kurdî ya Silêmaniyê li Stenbolê ji aliyê Weşanên Vate ve hate derxistin.

Enstîtuya Kelepora Kurdî ya Silêmaniyê ji çar parçeyan li ser çanda kurdî xebatên xwe didomîne. Enstîtuyê par beya yekem a “Stranên Folklorîk ên Botanê” derxistibû û beşa duyem jî niha pêşkêşî stranhezan kir.

Seyda Goyan ev stran berhev kirine ji perêma Goyan e. Goyan li Botanê herêmeke. Ev herêm ku 33 gundan di nava xwe de dihebîne bi avakirina Komara Tirkiyeyê re navê wê navendê kirin "Uludere" ku "Uludere" gundek Qilabanê bû û niha herêm bi wê ve girê dane.
Qilaban ku hem navê herêmê û hem jî navê eşîrekê ye 50 kîlometre li rojhilata Şirnexê û 20 kîlometre dûrî Zaxoyê ye. Qilaban bi serhildêriya xwe tê zanîn. Bi salên 1990'î re bi zordariyê re rû bi  rû ma, gelê herêmê 1994'an de ji wir bar kir û berê xwe da Başûr, dûre li Mexmûrê bi cih bûn. Ji vê herêma serhildêr stranên serhildêr, ên folklorîk, çandî û evînî di “Stranên Folklorîk ên Botanê -2” de cih girtin.

Seyda Goyan ku demekê di nava Navenda Çanda Dîcle Firat a Amedê de di Koma Derwêşan de cih girtiye bi giştî di navbera 1993-2006'an de 13 salan li ser berhevkirina stranan xebitiye.

Berhevkar Seyda Goyan di sala 1991'ê de li ser gotineke Îsmaîl Beşîkçî ku gotibû "divê stran û çîrokên ji devê dengbêjan bêne berhivkirin" dest bi xebata xwe kiriye. Goyan berê ku herêm vala bibe çûye li deriyê dengbêjan daye, ji wan xwestiye jêre gotineke pêşiyan, stareke bibêjin û wan jî bi dilxweşî dest biriye ber kerikê û gotine. Di vê demê de Seyda Goyan bi dengbêj û stranbêjen wekî Xalê Ehmedê Heyder, Avdo Xalid, Ehmedî Mihemed, Nuredînî Kalikî, Methî Abdulqadir, Avdo Kalikî, Evdilkerîmê Ehmo, Casimê Billehî, Feyziyê Mihemed, Sîsina Hesen, Xezala Bilbêsî, Miryem û Amîna Mihemedî, Exmûr Pazim Benek, Fatmaya Hecî, Himênê Melasîn, Şemsedînî Mela Enwer, Avdilayê Goyî ên li herêma Goyan re axiviye, guhdariya wan kiriye û ew tomar kirine.

Goyan dibêje, "Berê bi stranan govend dihat gerandin û niha li ber enstrumanan. Berê 17 cure req û govend hebûn niha bi saya van enstrumanan tenê 2-3 meqam  mane" û li ser girîngiya berhevkirinê disekine.

Kawa Feqêzade ku notaya stranan sazkiriye li Tehranê perwerdehiya muzîkê dîtiye û di warê xwe de bi têra xwe şareza ye.

“Stranên Folklorîk ên Botanê” beşa yekem par bi hevkariya Enstîtuya Kelepora Kurdî ya Silêmaniyê û Weşanên Do derketibû.