Diyarname
Nivîskar Bajar Mîrzeman vê carê bi "Şewtbihêrk"ê li pêşberî xwendevanên xwe ye. Pirtûka ku 7 çîrokan pêşkêş dike ji Weşanên Avestayê derketiye.

Nivîskar Bajar Mîrze berê bi pirtûkek çîrokan û yek jî roman bi du pirtûkan li pêşberî xwendevanan bû, niha yeka din li wan zêde kir.

Pirtûkeke çîrokan; çîrokên ji gelek peyvên ku baş li cem hev hatine danîn pêk hatiye. Di dawiyê de vegotina çîroka kurdan, yan jî anîna ziman a çîrokên ji nav jiyana kurdan li pêş xwendevan e. Em qala pirtûka Bajar Mîrzeman dikin. Di 7 çîrokan de xwendevan dibe cihên cuda yên warên kurdan. Hin cihan rexne dike, carinan dide fikirandin, di dawiyê de çîrokek vedibêje.

Carinan dibe "Newroz" ku bi taybetî wekî "NEeWROZ" nivîsandiye, carinan dibe meseleya "Navan" û pê teqebeyên cuda yên li nav civakê tîne ziman, carinan dibe meseleya "Welat".

Di pirtûka 80 rûpelî de çîrokên bi navên "Demnivîska Welêt", "Peyva Pîroz", "Xar", "NEeWROZ", "Navê Te bi Çiqasî ye?", "Hêvî-Bar", "Ne-Dîtin" cih digirin.

Bajar Mîrzeman kî ye?
Nivîskar Bajar Mîrzeman di sala 1981'ê de li Qoserê hatiye dinê. Li Zanîngeha Artûklûyê di beşa Kurdolojiyê de lîsansa bilind xwendiye. Nivîsên wî di kovar û malperan de hatine weşandin.
Pirtûkên wî ev in:
- Evîntirş, çîrok, 2009
- Rengên Jiyaneke Du Zerdim, roman, 205
- Şewtbihêrk, çîrok, 2026