Diyarname

Federasyona Fûtbolê ya Tirkiyeyê (TFF) bi îdîaya lîstikvan Denîz Nakî propagadanya îdeolojîk û cudaxwaz  kiriye 3 sal û 6 meh cezayê nelîstina fûtbolê û 237 hezar TL jî cezayê pere lê birî. Ji ber ku ceza ji sê salan zêdetir e ceza veguherî mehrûbûna ji fûtbolê û heta dawiya jiyanê.

Ev tê çi wateyê? Tê vê wateyê: Ger Denîz Nakî bixwaze were li Tirkiyeyê di nav tîmekî de bilîze dê nikaribe qet bilîze.

Lîstikvanê Amed Sporê Denîz Nakî çend roj berê li Almanyayê ragihandibû ku ew dê carek din neyê Tirkiyeyê. Piştî vê yekê TFF'ê ew şandibû dîsîplînê û niha ev ceza lê birî.

Jiyana fûtbolê ya Denîz Nakî

Denîz Nakî yê 28 salî berî were Tirkiyeyê  li Almanyayê li Fc St Pauli û SC Padernborn lîstibû. Her wiha formaya U21 ya Tîma Neteweyî ya Almanyayê jî li xwe kiribû. Paşê hat Tirkiyeyû di tîma Enqereyê Gençlerbirligi de lîst. Ji ber êrîşên nijadperest vegeriya Almanyayê. Piştî vê yekê Amed Sporê çû ew transfer kir.

**

Nûçeyên Eleqedar:

- Deniz Nakî venagere Tirkiyeyê

- Bi çek êrîşê Denîz Nakî kirin