Diyarname

Komek rewşenbîrên ku fikrên wan ên siyasî cuda û ji derdorên cuda ne, her wiha di nav wan siyasetmedarên berê jî hene daxuyaniyeke hevbeş dan û gotin ku Meclisa Mezin a Tirkiyeyê ji dêvla ku di tatîlê de ye bila kom bibe, xwedî li aştî û demokrasiyê derê.

Di daxuyaniyê de wisa hat godir: "Li tu welatî ketina şer yan jî dawîlêanîna şer, dawîlêanîna têkoşîna li hemberî rêxistinek yan jî destpêkirina şer a li hemberî rêxistinek ne girêdayî hikumet yan jî pêşeroja siyasî a kesek e. Ji ber ku mijarên wisa hem kesan, partiyan, kesên ku hesabên siyasî dikin wan jî derbas dike, meseleyên wisa wisa mesele ne ku hemû miletî eleqedar dikin mijarên 'neteweyî û jiyanî' ne."

Di daxuyaniyê de hat gotin ku dawîlêanîna pêvajoya çareseriyê li gor hesaba kesek ku Partiya Desthilatdar girtiye bin fermana xwe û wiha dom kir: "Duh ew kes difikirî ku Tirkiyeyek bê pevçûn dê wî û desthilatdariya wî xurtir bike loma digot 'bila dayik negirîn', pêre jî piştgiriya hemû civakê dixwest, îro difikire ku rewşeke bi pevçûn dê hêza wî xurtir bike, ji Gezî heta îro bi hêstirên çavên dayikan re eleqedar nabe."

Rewşenbîran got ku tekane karên rêveberan ew eku hemwelatiyan neeciqîne, qada ku hemwelatî dest biavêjin çekan û bikeve nava sûcê ji holê rake, çalakiyên terorê bibe bêbandor û bêwate, kiryarên van tiştan biqufilîne. Lê çalakiyên wisa sedem neyê nîşandayîn û binçavkirinên girseyê divê neyên kirin, partî neyên girtin, Meclis nedin rawestandin.

Daxuyanî dibêje ku em kesên ku me îmze avêtiye bin vê metnê bang li Hikumeta Demî û desthilatdariya ku pişta xwe didê dikin ku gere dest ji şer, pevçûn û xirecira ku bi dehan salan me berdêla wê daye berde; hemû aliyên siyasî ji bo dawî li şîdetê bînin ji dil bikevin çarçoveya hiqûq, wijdan û eqlê selîm.

Rewşenbîr dibêjin ku gere meclis însiyatîfa qedera welat diyar dike nede destê hikumeta mustafî (hikumeta demî), di van rojan de meclis ji dêvla ku tatîlê de be kom bibe, xwedî li aştî û demokrasiyê derê.

Van kesan îmze avêtiye bin metnê: Cengiz AKTAR, Mehmet ALTAN, Akin ATAUZ, Oya BAYDAR, 

Murat BELGE, Orhan Kemal CENGİZ, Aydin ENGİN, Eşref ERDEM, Abdulbaki ERDOGMUŞ, Huseyin ERGUN, Recai ERSOY, Kemal F. GENÇ, Ertugrul Gunay, Seyfettin GURSEL, Temel İSKİT, Erdal KALKAN, Umit KARDAŞ, Osman KAVALA, Suat KINIKLIOGLU, Emre KOCAOGLU, Onur Bilge KULA, Mithat MELEN, Nesrin NAS, Baskin Oran, Sirri OZBEK, M.Niyazi OKTEM, Haluk OZDALGA, Unal UNSAL, Zafer USKUL, Bahattin YUCEL