Klûba Trabzonsporê xelateke ecêb dide lîstikvanên xwe: Ger di maça Fenerbahçeyê de bi ser bikevin dê 6 mehan li polîgonê bê pere çekan biteqînin.

Li gor nûçeya Ali Eser a di Gazeteportê de lîstikvnên Trabzonsporê ger Fenerbahçeyê têk bibin dê xelateke cihêreng: Xelata endamtiya polîgonê ya ji bo 6 mehan bi dest bixin.
Dibe ku li tu derê dinyayê bi qasî Tirkiyeyê piştî maçan xwîn narije. Bi taybetî piştî maçên derbî û yên tîmên neteweyî "MAGANDA" derdikevin meydanê, gule bera hewayê didin û mirin û birîndarî pêk tên.
Lîstikvanên Trabzonsporê jî piştî her serketina maçê li nava sehayê lîstika 'Kolbasti' dilîzin, vê carê dê serketinê li polîganê pîroz bikin.
Eser her wiha di nivîsa xwe de wisa dibêje: "Gelê Trabzonê ji çekan hez dike. Lê ev hezkirin ku ji bo maçeke wisa, hem jî ji bo sporê bê bikaranîn tişteke ecêb e. PAM Poligon Plazaya li Trabzonê ragihandiye ku dê tişteke wisa bike. Ger lîstikvan maçê bi dest bixin ezê manşetên li rojnameyan wisa bibînim: Lîstikvanên Trabzonsporê piştî serketina li hemberî Fenerbahçeyê ji dêvla li bara X kêf bikin heta serê sibê gule bera hewayê dan û serketina xwe pîroz kirin."