Cemil Oguz

Fîlmê derhêner Yuksel Yavuz "Close-up Kurds" beşdarî Festîvala Fîlmên Serbixwe a Stenbolê dime.

8'emîn Festîvala !F Stenbol AFM ya Fîlmên Serbixwe ya Navneteweyî îsal di navbera 12-22'yê reşemiyê de li dar dikeve. !F Enqere jî piştî vê, di navbera 26'ê reşemiyê û 1'ê adarê de li Enqereyê li dar dikeve.

Ji bo pêşkêşkirina bernameya festîvala îsal Midûra Giştî ya Sînemayê AFM'ê Fatoş Kiziltaş, kordînatorên festivalê Pelin Turgut û Serra Ciliv li Lokal Tunelê daxuyaniyeke dan çapemeniyê.
Festîval pirsên em çi dikin, çima dikin, çawa û tevî kî dikin dipirsin û di pêvajoyeke wisa de bi diruşma 'Ji xwe dest pê bike" festîvalê li dar dixin.

Ew dibêjin, "Germa global, qeyrana aborî ya ku mînakek wisa nehatiye dîtin, şîdeta civakî ku zêde bûye. Ev hemû mirov ber bi bêhêzî û bêçaretiyê ve dehf didin" û van tiştan lê zêde dikin kordînatorên festîvalê: "Di rewşeke wisa de em dixwazin vegerin serî. Biçûk be jî hewlên ji dil ên ji bo guherînê dikarin tesîreke mezin bikin."
Wan bernameyê xwe di vê çarçoveyê de amade kiriye. Wan diruşma "Ji xwe dest pê bike" îsal bikar aniye û dibêjin: tu bi xwe çê bike, bi xwe soundtrackê saz bike, bi xwe afîşa xwe çêbike, atolyeya xwe saz bike, di her warî de mohra xwe li hilberînê bide.

Festîval îsal bi alîkariya Ajansa Paytexta Çandê ya Ewropayê Stenbol 2010'an ve hatiye amade kirin. Fîlm li Stenbolê dê li Beyoglu AFM Fitaş, AFM İstinyePark, AFM Caddebostan Budak û Beyoğlu Emekê, li Enqereyê jî li AFM Cepa Sinemasi bêne nîşandayîn. Bilêtên fîlman di 1'ê mehê de têne firotin û yên ku xwedî gnçtrkcll in bilêtekê bikirin yekê jî dê belaş bigirin.

Di festîvalê de di bin beşên wekî  Menuya Hit menüsü!, İf İnspired/Keşf, Ji xwe dest pê bike, Ronahiya Bakur, Dengên Dijber, Ji Amerîkayê yên nû, Di Tek planê de dinya, Keskesor, Sînemaya nobedar, Fîlmên Fantastîk, İf kult de fîlm têne nîşandayîn.

Close-Up Kurds tê

Di beşa "Tek planê de dinya" fîlmên hem ruhanî, hem yên polîtîk yên nêzî meseleyên dinyayê dibin hene. Fîlmê derhênerê kurd Yuksel Yavuz "Close-up Kurdis" jî di nav van de ye ku li ser pirsgirêka kurd e. Yavuz ji Îsmail Beşîkçî bigire, heta gerîlayek, heta bi Orhan Mîroglu, bi Abdulkadir Aygan re jî axiviye û belgefîlmekî derxistiye holê. Belgefîlm bi çavên cihê meseleya kurd digire dest.
Her wiha fîlmên li ser Barselona, Darfur û gelekên din di vê beşê de têne pêşkêş kirin.

Di festîvalê de xelateke jî tê dayîn di bin serdavê "Pêşbaziya !f İnspired / Keş!f". Di vê beşê de îsal sê kes ji SIYAD'ê (Komeleya Nivîskarên Sînemayê) jî hene di nav endamên juriyê de: Selim Eyupoglu, Selin Gurel û Murat Emir Eren.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.