Amed

Şaredariya Bajarê Mezin a Amedê di çarçoveya “Projeya Pêşxistina Çandiniya Organîk a Licê” de analîza axê da kirin. Di encamê de derket holê ku axa Licê, ji aliyê çandiniya organîk ve, di ser pîlerên Tirkiyeyê ye. Li axên Tirkiyeyê di sedî 88'ê axê de asta madeya organîz di bin sedî 2 re ye, lê li Licê derket holê ku ev pîle di navbera sedî 3-4 de ye.

Doç.Dr. Gultekîn Ozdemîr, encamên analîzê nirxand û diyar kir ku ew ê ji cotkaran re bibêjin ka divê kîjan berhemî li erdê xwe biçînin.

Xebata perwerdeya ku Serokatiya Daîreya Xurtkirina Aboriya Xwecihî ya Şaredariya Bajarê Mezin a Amedê di çarçoveya “Projeya Pêşxistina Çandiniya Organîk a Licê” ji meha îlona borî ve ye dimeşîne berdewam e.

Di perwerdehiya ku du roj li Navenda Çand û Hunerê ya Şaredariya Licê dim kir de Hîndekarê Fakulteya Çandiniyê ya Zanîngeha Dîcleyê Doç. Dr. Gultekîn Ozdemîr axivî û analîzên axa 21 gundên Licê nirxand. Ozdemîr eşkere kir ku di encamê de li ser 277 nimûneyên axê wan 28 nirxên cuda bi dest xistine û bi berfirehî der barê wan de agahî dan.   

‘Em ê piştgirî bidin cotkaran’

Ozdemîr got ku li gorî encaman ew ê pêşniyaran li cotkaran bikin ka divê kîjan ber û berhemî li ser vê erdê biçînin û diyar kir ku di encama analîzan de kêmasiyên axê peyda bûne, ji bo cotkar wan temam bikin ew ê piştgiriyê bi wan re bikin.

Ozdemîr diyar kir ku gava herî girîng a çandiniya organîk zibilkirin e û wiha got: “Zibilê organîk bi riyên siruştî ji zibilê sewal û pelexan tê bidestxistin. Zibilê ku bi vî rengî tê bidestxistin zirarê nade zeviyan.”

Her wiha Endezyarê Ziraetê Erhan Akalp, Doç. Dr. İnanç Ozgen, Devrîm Vural jî her yekî der barê mijara çandiniya organîk û bikaranîna wê de agahiyên berfireh bi beşdaran re parve kirin.