Diyarname

Kesek radibe romanê dinivîse, navek li xwe  dike û bi wî navî romanê dişîne ber destên weşangeran. Weşanger pêşniyar dikin, "Pêşî here qursa nivîskariyê". Paşê? Paşê ew roman li cihek tê weşandin û li dinyayê belav dibe.

Em qala nivîskara navdar JK Rowling, bi gotineke din em qala nivîskara romana "Harry Potter" dikin.

Robert Galbraith bi navê "JK Rowling" romana xwe ya Harry Potter dişîne ber destên weşanxaneyan, weşanxane her yek bersivek didin wê.

Li gor nûçeya di rojnameya Guardian de li ser daxwaza hezkiriyên wê, wê nameyên weşanxaneyan ji bo redkirina weşandina romana wê jêre şandine di twitterê de belav kir. Di nameyeke de wisa gotiye weşanger: "Ji ber ku ji aliyê bazirganiyê ve ev roman dê serketinek çêneke em xemgîn in ku ragihînin we ku em romana we çap nakin."

Ji weşangeran yekî gotiye "Pêşî here qursa nivîskariyê û paşê binivîse."

Rowling piştî belavkirina nameyan wisa gotiye: "Tiştek ku ez winda bikim nîn bû. Carinan bi wasî ku mirov biceribîne divê mirov dilpola be."

Ew dibêje ku nameyên redkirinê di qutiyekê de vişartine û yek ji wan ji bo îlhamê jê bigire li kîlera xwe daliqandiye.

400 mîlyon heb firot

Rêzeya "Harry Potter" li temamê dinyayê li dor 400 mîlyon hebî hat firotin û di nav lîsteya pirtûkên herî zêde têne firotin de cih girt. Her wiha ji roman fîlm jî hatin kişandin.

Ji PEN'ê xelat girt

Di vê navberê de di meha yekemîn a îsal de JK Rowlind "Xelata Xizmeta Wêjeyê ya PEN'ê" girt. PEN'ê bi gotinên "muxalifa bêtirs a dij sansurê" û "parêzvana mafên jinan" xelat da Rowling.