Diyarname
Piştî Manchester United di maça îro de jî Barselona bi ser ket û bû tîmê duyem ê fînalê. Belê fînaleke mikemel li pêşiya me ye.
Ji bo tîmê fînalîst ê duyemîn diyar bibe îro maça di navbera Chelseaya Îngilistanê û Barselonaya Katalan hebû. Maça ku li stada Chelseayê hat lîstin bi 1-1 bi dawî bû û bi vê skorê Barselona derket fînalê. Maça yekemîn li stada Barselonayê hatibû lîstin û maç bi 0-0'ê bi dawî bûbû.
Tîma Chelsea bi lez dest bi maçê kir. Hê di deqîqeya 9'an de lîstikvanê Chelsea Essien golek avêt û tîmê xwe bi 1-0 derxist pêş. Maç heta 90 deqîqeyî wisa berdewam kir. Tam her kes li bendê bû ku dê maç bi vî awayî bi dawî bibe de Messi û İniesta derketin holê. Di deqîqeya 92'yan de Messi paseke baş da İniesta û İniesta xweşik li gogê da, bû gol: 1-1.
Bi vê encamê Barselona derket fînalê û bû reqîbê tîmeke din ê Îngilistanê Manchester United.
Di maça ku lîstikvanê Barselonayê Eric Abidal di deqîqeya 66'an de qerteke sor girt û Barselonayê piştî ve deqîqeyê bi deh kesan lîst de, penaltiyeke ku mijara nîqaşê ye jî ya Chelsea nehat dayîn.
Barselona îsal di her warî de serketî ye. Di lîga Spanyayê de Barselona niha lîder e û her kes bi çavê şampiyoniyê lê dinêre. Jixwe di maça hefteya borî de reqîbê xwe yê her demî Real Madrid bi 6-2 têk biribû û skoreke dîrokî bi dest xistibû. Barselona ku bi skora îşev re dê fînala Kûpaya Şampiyonan a Ewropayê bilîze, di Kûpala Qral a Spanyayê de jî rewşa wê niha ne xirab e.
Maça fînalê ya Kûpaya Lîga Şampiyonan a Ewropayê dê 27'ê gulanê li Romayê bê lîstin.
***
Nûçeya eleqedar:
.jpg)
