Diyarname
Di fînala Kûpaya Fortîs a Tirkiyeyê de Beşîktaşê Fenerbahçe bi 4-2'yan têk bir û kûpa bir mala xwe.

Fenerbahçe û Beşîktaş hefteya borî di maça lîgê de hatibûn hemberî hev û Fenerbahçeyê Beşîktaş têk biribû. Bi vê coşê Fenerbahçe di Kûpaya Fortîs a Tirkiyeyê de derket maça fînalê ya li hemberî Beşîktaşê. Lê Beşîktaşê tehma serketina kûpayê neda Fenerbahçeyê ku ev 26 sal in Fenerbahçeyê ev kûpa bi dest nexistiye.
Di maçê de Yusuf, Bobo (2) û Holosko golên Beşîktaşê, Guiza û Alex (ji penaltiyê) golên Fenerbahçeyê avêtin. Beşîktaşê bi vê serketinê di çar salên dawî de bû sê caran vê kûpayê bi dest dixe û kûpayê dibe mala xwe.
Wekî notek: Teknîk dîrektorê Beşîktaşê Mustafa Denizli bû yekem teknîk dîrektorê ji Tirkiyeyê ku vê kûpayê ji bo Beşîktaşê dide qezenckirin. Heta niha di bin teknîk dîrektorên biyanî de Beşîktaşê ev kûpa bi dest xistibû. Her wiha heta niha di kûpayan de lîstikvanê berê yê Beşîktaşê Feyyaz Uçar bi 18 golan yê herî zêde gol avêtibû bû. Di vê maçê de Bobo du gol avêt û rekora Feyyaz Uçar têk bir, hejmara golên xwe yên di maçên kûpayê de derxist 19'an.
 

Kunyeya maçê:

Stad: Îzmîr Ataturk
Hakêm: Bunyamin Gezer, Tarik Ongun, Asim Yusuf Oz
Beşîktaş: Hakan Arikan, Îbrahim Toraman (Dq. 46 Îbrahim Uzulmez), Sivok, Gokhan Zan, Ekrem, Cisse, Ernst, Yusuf (Dq. 75 Ugur Înceman), Tello, Holosko, Bobo (Dq. 83 Nobre)
Fenerbahçe: Volkan Babacan, Ali Bilgin, Gokhan Gunül, Lugano, Roberto Carlos, Deivid, Selçuk, Emre (Dq. 66 Deniz), Ugur (Dq. 52 Semih), Alex, Guiza
Gol: Dq. 6 Yusuf, Dq. 56 û 73 Bobo, Dq. 80 Holosko (Beşîktaş) / Dq. 27 Guiza û Dq. 90+1 Alex (Fenerbahçe)
Qertên zer: Îbrahim Toraman, Sivok (Beşîktaş) / Lugano, Semih (Fenerbahçe)

***

Nûçeyên eleqedar:

- Lîderê nû Beşîktaş e

- Bilêtek ji bo kûpayê

- Bilêtek 305 YTL, heqdestê mehane 500 YTL ye!