Saet 23.00

Lijneya Ewlehiyê ya Almanyayê ragihand ku dê roja şemiyê li Berlînê li hev bicive. Serokê Daîreya Serokatiyê Peter Altmaier wisa got: "Ji bo li Almanyayê em firsendê nedin teror û şîdetê ji destê me çi bê emê bikin."

Di vê navberê de cesedek hat dîtin, polîsan ragihand ku îhtîmal e ew aîdê yek ji êrîşkaran be.

Saet 23.00
Rayedarên polîsan got ku hejmara miriyan derketiye 8'an.
Polîsên Munihê ragihandin ku kesên nikarin xwe bigihînin xizmên xwe dikarin ji vê nimreya telefonê alîkarî bixwazin:  0800 776 63 50

Saet 22.30

Piştî saetek bi ser bûyerê re derbas bû Berdevkê Polîsan Marcus Da Gloria Martins ji bo çapemeniyê axivîgot ku 3 kesan êrîş kiriye, pêşî li resturontê gule reşandine. Martins got ku 6 kes mirine, xebata qufaltina êrîşkaran didome.

Saet 21.00 

Li Muniha Almanayayê kes an hin kesan bi çekdarî li nava AVM'yek êrîş pêk anî/n. Li gor çapemeniya Almanyayê bi ser dehan de mirî hene. AFP'ê ragihan ku kesek miriye, 10 kes birîndar bûne. Wezîrê Karên Hundir ê Almanyayê Thomas de Maiziere got ku 3 kes mirine. Çapemeniya herêmî qala 15 miriyan dike. 

Li "Olympia-Einkaufszentrum" (AVM'yek li navçeya Moosach a Munîhê) dengê çekan hat û gelek polîs sewqî wê derê hatin kirin. AVM hat valakirin, operasyon hat lidarxistin. Polîsan gel ji herêmê dûr girtin û xwest gel dûr biçin. Di vê demê de hat gotin li Karlsplatz a Munihê jî dengê çekan hatiye. 

Polîsên Munihê gotin ku dîmen û fotografên li ser bûyerê di tora civakî de parve nekin.