Diyarname
Tîma katalan Barselona tîma îngilîz têk bir û bû Şampiyonê Şampiyonan. Bi vê Barselonayê îsal 3 kûpa birin mala xwe.

Tîma Îngilîz Manchester United Arsenal têk biribû û derketibû fînalê. Tîma katalan Barselonayê jî Chelsea têk biribû û derketibû fînalê. Maça fînalê îşev li Romaya Îtalyayê li dar ket.
Her futbolhez bi heyecan bû, du tîmên navdar dê derketana hemberî hev, di nav tîman de jî du lîstikvanên navdar Ronaldoyê M.United û Messiyê Barselonayê...
Ji wan Ronaldo par wekî Lîstikvanê Herî Serketî yê Ewropayê hatibû hilbijartin, Messi jî di vê kategoriyê de bûbû duyemîn. Kîjan yekemînî heq kiribû, digel vê encamê jî dîsa bûbû meseleya nîqaşê. Îşev, di fînalê de digel her du tîmên navdar, ev her du lîstikvanên navdar jî bi lîstika xwe bihata pîvan. Encam, Barselona û Messi bi ser ketin, M.United û Ronaldo têk çûn.

Di deqîqeyên pêşîn ên maçê de Unitedê êrîş kir, çend şûtên wan ber bi keleha Barselonayê çûn lê encam nîn bû.
Di deqîqeya 10'an de ji Barselonayê Samuel Eto'o, lîstikvanê kamerûnî derket holê û lêda: 1-0.
Nîveka yekem a maçê bi vê encamê bi dawî bû. Di nîveka duyem de Barselonayê zêdetir bi gogê lîst, her pas dan hev û di dawiyê de jî encam bi dest xistin. Di deqîqeya 70'yî de vê carê Lionel Messiyê navdar derket holê, bi serê xwe li gogê da: 2-0.

Û Barselonayê piştî Kûpaya Qral a Spanyayê, Kûpaya Şampiyoniyê ya Spanyayê îsal kûpaya sêyem, Kûpaya Lîga Şampiyonan bir mala xwe.

Kunyeya maçê:

Stad: Roma Olimpiyat

Hakêm: Massimo Busacca, Matthias Arnet, Francesco Buragina

Barselona:
Víctor Valdés, Gerard Piqué, Carles Puyol, Xavi Hernández, Andrés Iniesta, Samuel Eto'o, Lionel Messi, Thierry Henry, Sylvinho, Yaya Touré, Sergio Busquets
Teknîk Dîrektor: Josep Guardiola

Manchaster United:
Edwin van der Sar, Patrice Evra, Rio Ferdinand, Cristiano Ronaldo, Anderson, Wayne Rooney, Ryan Giggs, Ji-Sung Park, Nemanja Vidić, Michael Carrick, John O'Shea
Teknîk Dîrektor: Sir Alex Ferguson