Diyarname

Ev çendemîn e walî ye ku li Amedê jî walîtî dike û niha tê binçavkirin? Ev çendemîn kes e ku ji kesên ji aliyê dewletê ve li Amedê hatibûn peywirdarkirin ji kar têne girtin û têne binçavkirin? 

Kiraç hat binçavkirin

Vê carê Mustafa Cahit Kiraç hat binçavkirin. Kiraç di sala 1956'an de li Elezîzê hatiye dinê. 1980'ê de li Elezîzê dest bi qeymeqamî, yanê kariyera xwe kiriye, di navbera salên 1986-88'an de li Pasûra Amedê qeymeqamî kiriye, dema bûye walî jî di navbera dîroka 30 gulan 2013-16 rezbera 2014'an de Walîtiya Amedê kiriye. Û ew îro di çarçoveya lêpirsîna Rêxistina Terorê FETO de hat binçavkirin. Di vê çarçoveyê de operasyon li hemberî akademîsyen û rêveberên Zanîngeha Gedîzê hat kirin û ew jî hat binçavkirin.

Mutlu hat tewqîfkirin

Kiraç ne yekemîn waliyê berê yê Amedê ye ku tê binçavkirin. Berî wî, Waliyê Berê yê Amedê Hüseyin Avni Mutlu jî hatibû binçavkirin û girtin. Guler di sala 1956'an de li Rîzeyê hatine dinê. Wî li gelek cihan Walîtî kiriye û di navbera 2005-2007'an de Walîtiya Sêrtê kir û ji wir ew şandin Amedê û di navbera 2007-2010'an de Walîtiya Amedê kir. Mutlu piştî hewldana derbeyê ji peywirê girtin, paşê hat binçavkirin û roja 5'ê gelawêja 2016'an ligel deh kesên din hat tewqîfkirin.

Rektora Zanîngeha Dîcleyê jî hat girtin

Li Amedê ne tenê walî hinên din jî hebûn bi FETO re eleqedar. Rektora Zanîngeha Dîcleyê Prof.Dr. Ayşegül Jale Saraç jî di çarçoveya li ser FETO de roja 20'ê tîrmehê hat binçavkirin û hat tewqîfkirin. Saraç di hilbjartina sala 2007'an de li Amedê ji AKP'ê berendama mebûsiyê bû lê nehat hilbijartin.

Û waliyên din

Ji waliyên di vê çarçoveyê de hatin binçavkirin yan jî ji kar hatin girtin gelekên din hene li bajarên kurdan kar kirine.

Mînak Halîl Îbrahîm Akpinar Walîtiya Agirî kiribû; Dr. Said Vakkas Gozlugol cîgirê waliyê Elezîzê kiribû; Walî Yilmaz Arslan di navbera salên 2012-2014'an de walîtiya Batmanê kiribû; walî Yusuf Mayda dema qeymeqam bû li Hawêl (Baykan) a Sêrtê qeymeqamî kiriye; walî Yusuf Yavaşcan dema qeymeqam bû Qeymeqamiya Tûtax a Agirî kiriye, piştî bû walî Walîtiya Agirî, herî dawî jî walîtiya Rihayê (2005-2009) kiribû; walî Yasemin Özata Çetinkaya li Batmanê cîgiriya walîtî kiriye demekê; Walî Ali Çinar di navbera 2010-2013'yan de Walîtiya Mûşê kiriye. Û hwd...