Diyarname
Şovmen Mehmet Ali Erbil di Çarkifelekê de kurd kirin mêvanê xwe û bi kurdî axivî.

Duh êvarê di FoksTV de dîsa bernameya Çarkifelek a Mehmet Ali Erbil hebû. Erbil vê carê bernameyeke taybet amade kiribû. Di bernameyê de malbateke ji Mûşî û yek ji Wanê ji bo pêşbaziyê amede bûn.
Erbîl ku diyar bû berê li ser xebitiye bi kurdî axivî, lê carinan li qertên li ber xwe nêrî û axivî. Digel ku carinan pêşbezîneran ji kurdiya wî tiştek fêm nekiribe jî şovmen Erbil bi vê helwesta xwe piştgirî da kurdî. Mêvanên Erbîl jî ji axaftina wî ya bi kurdî dilgeş bûn.

Şovmen Erbil di van demên dawî de carinan di bernameya xwe de li ser rojevê diaxive, helwesta xwe ya demokratî nîşan dide. Ev demeke ew kirinên AKP'ê tîne rojevê û rexne lê dike. Vê carê jî wî bi vê helwesta xwe piştgirî da kurdî.